ДЗЯРЖОРГАНЫДЗЯРЖОРГАНЫ
Панядзелак, 20 студзеня 2020
Мінск Суцэльная воблачнасць 0°C
Усе навіны
Усе навіны
Прэзідэнт
23 кастрычніка 2019, 13:19

Лукашэнка: Беларусь і Куба выпрацавалі сумесныя рашэнні для развіцця гандлёвых адносін

Мігель Марыа Дыяс-Канель Бермудэс і Аляксандр Лукашэнка
Мігель Марыа Дыяс-Канель Бермудэс і Аляксандр Лукашэнка

23 кастрычніка, Мінск /Уладзімір Мацвееў - БЕЛТА/. Беларусь і Куба выпрацавалі сумесныя рашэнні для значнага развіцця гандлёвых адносін. Аб гэтым Прэзідэнт Беларусі Аляксандр Лукашэнка заявіў сёння па выніках перагавораў у Мінску з Прэзідэнтам Кубы Мігелем Марыа Дыяс-Канелем Бермудэсам, перадае карэспандэнт БЕЛТА.

"На гэтым этапе наша супрацоўніцтва ў камерцыйным напрамку абмяжоўваюць некаторыя часовыя фактары, якія мы дамовіліся пераадолець за кароткі прамежак часу, - сказаў кіраўнік дзяржавы. - Мы выпрацавалі таксама сумесныя рашэнні, якія дадуць магчымасць у бліжэйшай будучыні вывесці аб'ёмы двухбаковага гандлю на ўзровень, які адпавядае стратэгічным партнёрам".

"І мы гэта можам зрабіць. Толькі не трэба спасылацца на аб'ектыўныя і суб'ектыўныя цяжкасці. Яны былі, ёсць і будуць заўсёды і на Кубе, і ў Беларусі, і ў іншых дзяржавах. Мы для таго і існуём, каб пераадольваць гэтыя складанасці. Аб гэтым мы перш за ўсё дамовіліся з Прэзідэнтам Кубы", - падкрэсліў беларускі лідар.

Аляксандр Лукашэнка падкрэсліў значны патэнцыял супрацоўніцтва і заявіў аб гатоўнасці ўсяляк садзейнічаць яго дынамічнай і поўнамаштабнай рэалізацыі. "Мы высока ацэньваем вынікі праведзеных перагавораў. Перакананы, дасягнутыя ў ходзе нашай размовы дамоўленасці істотна актывізуюць беларуска-кубінскае партнёрства, якое заўсёды развівалася ва ўзаемавыгадным і канструктыўным ключы", - сказаў ён.

Кіраўнік дзяржавы таксама падзякаваў за запрашэнне наведаць Кубу з візітам. "Я з вялікім задавальненнем прымаю ваша запрашэнне. І як толькі мы выпрацуем дарожную карту на кароткі прамежак часу, гэты план, і выконваць яго пачнём, я адразу ж прыеду ў Гавану, каб з вамі намеціць далейшыя шляхі нашага супрацоўніцтва. А наогул вы можаце разлічваць на Беларусь. Мы надзейныя партнёры. Мы былі такімі і будзем для Кубы заўсёды", - рэзюмаваў Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі