5 лютага, Мінск /Кар. БЕЛТА/. Беларусь і Казахстан маюць аднолькавыя погляды на развіццё свету. Аб гэтым Прэзідэнт Беларусі Аляксандр Лукашэнка заявіў на сустрэчы са старшынёй Мажыліса Парламента Рэспублікі Казахстан Ерланам Кашанавым, перадае карэспандэнт БЕЛТА.
"Што датычыцца міжнароднага парадку дня і нашых падыходаў і поглядаў, тут, па-мойму, розніцы абсалютна ніякай няма. Мы аднолькава бачым развіццё нашага свету. Мы - прыхільнікі шматпалярнасці. Мы хочам, каб новыя краіны, якія ўтварыліся ў тым ліку пасля распаду Саюза (Савецкага Саюза. - Заўвага БЕЛТА), былі суверэннымі і незалежнымі. Вы гэта добра ведаеце, і ваш Прэзідэнт у тым ліку", - сказаў кіраўнік дзяржавы.
Аляксандр Лукашэнка адзначыў дапамогу, якую Казахстан аказаў беларускаму боку ў пытанні далучэння ў якасці паўнапраўнага члена да Шанхайскай арганізацыі супрацоўніцтва: "Вы нам вельмі дапамаглі. Я перш за ўсё звяртаўся да казахстанскіх сваіх сяброў. Яны не толькі падтрымалі нас, але і дапамаглі ў рабоце з іншымі краінамі, каб такая падтрымка была аказана".
"Мы вам вельмі ўдзячныя, і мы з вамі добра памятаем, што як Казахстан, так і Беларусь уваходзяць у шэраг міжнародных арганізацый. Рэгіянальных, пачынаючы ад ЕАЭС, АДКБ, СНД. І заканчваючы глабальнай міжнароднай арганізацыяй - ААН. Мы разам прысутнічаем там, дзе нам патрэбна, дзе нашы інтарэсы сканцэнтраваны. Гэта сведчыць аб аднолькавых падыходах да вырашэння тых ці іншых сусветных і рэгіянальных праблем", - сказаў Прэзідэнт.-0-
Падпісвайцеся на нас у
