13 сакавіка, Тэгеран /Кар. БЕЛТА/. Беларусь і Іран могуць выйсці на новую ступень супрацоўніцтва з найвышэйшай ступенню эфектыўнасці. Аб гэтым Прэзідэнт Беларусі Аляксандр Лукашэнка заявіў на перагаворах з Прэзідэнтам Ірана Эбрахімам Раісі ў Тэгеране ў пашыраным складзе, перадае карэспандэнт БЕЛТА.
"З вопыту маіх сустрэч з былымі прэзідэнтамі Ірана, перагавораў, якія мы вялі, я адзначыў, што асаблівасць гэтага візіту ў тым, што мы можам выйсці на новую ступень, новы этап нашага супрацоўніцтва. І адметнасцю гэтага супрацоўніцтва будзе найвышэйшая эфектыўнасць. Зрабіць такую заяву мне дазваляюць тыя дамоўленасці, якія ўжо дасягнуты", - сказаў Аляксандр Лукашэнка.-0-
