Мабільная версія
ДЗЯРЖОРГАНЫ

Апошнія навіны
Усе навіны

Лукашэнка: Беларусь гатова адыграць сваю ролю ў развіцці Прыморскага края Расіі

Прэзідэнт 16.07.2019 | 11:00
У час сустрэчы
У час сустрэчы

16 ліпеня, Мінск /Кацярына Крышэнік - БЕЛТА/. Беларусь гатова адыграць сваю ролю ў развіцці Прыморскага края Расіі. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Прыморскага края Алегам Кажамякам, перадае карэспандэнт БЕЛТА.

"Вы павінны ведаць, што закрытых тэм ніколі не было з Расіяй, а з вамі - тым больш. Усё, што мы можам для вас зрабіць, нягледзячы на адлегласці (адлегласці не так важныя ў наш час, хоць я заўсёды думаю: бліжэй вы былі б да нас, мы больш маглі б зрабіць і для Расіі, і для Беларусі), - мы адгукнёмся на любую просьбу", - сказаў беларускі лідар.

На яго думку, для кіраўніка рэгіёна важнай задачай з'яўляецца рэалізацыя на сваёй тэрыторыі якога-небудзь вялікага, знакавага праекта, які мог бы служыць прыкладам і ярка сведчыць аб эфектыўнасці работы губернатара. "Калі вы ў Прымор'і вызначыліся і бачыце там нашу ролю, будзьце ўпэўнены, што мы гатовы сваю ролю адыграць", - запэўніў Прэзідэнт.

Ён адзначыў гатоўнасць Беларусі пастаўляць у Прымор'е сельгастэхніку, прадукцыю машынабудавання, транспарт для пасажырскіх перавозак. "Мы гатовы адкрыта і сумленна ўдзельнічаць у любым конкурсе для паставак гэтай тэхнікі. Мы гатовы ствараць сумесныя прадпрыемствы, аказаць вам любую падтрымку і дапамогу, у тым ліку ў развіцці аграрнага комплексу, - падкрэсліў кіраўнік дзяржавы. - Вы на нас можаце разлічваць. Мы будзем для вас надзейнымі сябрамі, партнёрамі".

Прэзідэнт прызнаўся, што ўважліва сачыў за змяненнямі ў кар'еры Алега Кажамякі, яго дзейнасцю ў якасці губернатара Сахалінскай і Амурскай абласцей Расіі, а з 2018 года - кіраўніка Прыморскага края. На працягу ўсяго часу яго кіраўніцтва расійскімі рэгіёнамі адносіны з Беларуссю развіваліся і складваліся плённа.

Алег Кажамяка
Алег Кажамяка'

У сувязі з гэтым Аляксандр Лукашэнка выказаў надзею на прадаўжэнне канструктыўнага ўзаемадзеяння. "Прэзідэнту Расіі я сказаў: "Добра, забраў дык забраў нашага чалавека (маецца на ўвазе пераход Алега Кажамякі з пасады губернатара Сахалінскай вобласці ў Прыморскі край. - Заўвага БЕЛТА), але мы і там што-небудзь прыдумаем, у Прымор'і". Ён адказаў: "Я буду рады", - расказаў беларускі лідар.

Паводле яго слоў, кіраўніцтва Расіі высока ацэньвае вынікі работы Алега Кажамякі ва ўсходніх рэгіёнах, Уладзімір Пуцін запрашаў Аляксандра Лукашэнку іх наведаць. "Ён мяне ўжо двойчы ў гэтым годзе запрашаў пабываць на ўсходзе Расіі і абавязкова ва Уладзівастоку, на востраве Рускі. Ён чамусьці вельмі ганарыцца гэтым востравам, і я ведаю чаму. Многае там было зроблена апошнім часам. Сапраўды, Уладзівасток атрымаў новае дыханне, ёсць перспектыва развіцця", - растлумачыў ён.

Прэзідэнт яшчэ раз запэўніў расійскага губернатара ў гатоўнасці і далей падтрымліваць эфектыўнае супрацоўніцтва. "Ведайце, што ў Беларусі ў вас заўсёды надзейныя сябры, пры любых адносінах. Якія б адносіны ні складваліся паміж дзяржавамі, нашы асабістыя адносіны і вашы з Беларуссю - непарушныя, і мы ў любы момант гатовы падставіць вам плячо", - сказаў Аляксандр Лукашэнка.

У сваю чаргу Алег Кажамяка падзякаваў за ацэнку сумеснай дзейнасці, якая на працягу многіх гадоў давала магчымасць развіваць далёкаўсходнія рэгіёны Расіі. "Мы рэалізавалі шмат карысных праектаў. І для далёкаўсходняй зямлі, і для прадпрыемстваў Беларусі. Стварылі добры і магутны фундамент даверу, узаемапавагі. Гэта тое, што цяпер паслужыць зыходным пунктам у развіцці нашых гандлёвых, сацыяльна-эканамічных адносін паміж Прымор'ем і Беларуссю", - сказаў губернатар.

fff3

У Прымор'і многія жыхары сваімі каранямі звязаны з Беларуссю: "Для нас гэта сувязь непарыўная, яна ў нас у душы, сэрцы, таму мы будзем прадаўжаць рабіць так, каб гэта было на карысць нашым народам", - адзначыў Алег Кажамяка.

Губернатар падкрэсліў, што Беларусь заўсёды прыходзіла на дапамогу ў цяжкую хвіліну, аказвала гуманітарную дапамогу, у тым ліку ў перыяд паводкі ў Амурскай вобласці. Акрамя таго, ёсць значныя дасягненні ў галіне развіцця ўсебаковага супрацоўніцтва, рэалізацыі сумесных праектаў у АПК. Ён выказаў упэўненасць, што яго першая паездка ў Беларусь ужо ў якасці кіраўніка Прымор'я дасць магчымасць напрацаваць дарожную карту і планы, якія будуць рэалізоўвацца ў далейшым.-0-

Лукашэнка ўзнагародзіў ордэнам Пашаны губернатара Прыморскага края Алега КажамякуЛукашэнка ўзнагародзіў ордэнам Пашаны губернатара Прыморскага края Алега Кажамяку
Аляксандр Лукашэнка падзякаваў Алегу Кажамяку за даверны і канструктыўны характар узаемадзеяння з Беларуссю і асабліва адзначыў яго заслугі ў развіцці эканамічных сувязей, значны асабісты ўклад ва ўмацаванне традыцый дружбы і супрацоўніцтва Беларусі і Расіі.

Прыморскі край зацікаўлены ў павелічэнні паставак беларускіх тавараў - губернатарПрыморскі край зацікаўлены ў павелічэнні паставак беларускіх тавараў - губернатар
Алег Кажамяка падзякаваў за дапамогу і падтрымку з боку Беларусі на працягу ўсяго часу, як ён кіруе рэгіёнамі, згадаўшы, у прыватнасці, пастаўкі гуманітарных грузаў пасля паводкі ў Амурскай вобласці.

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.