Мабільная версія
ДЗЯРЖОРГАНЫ

Апошнія навіны
Усе навіны

Лукашэнка: Беларусь аказалася ў гарачай палітычнай кропцы і павінна прымаць меры для сваёй бяспекі

Прэзідэнт 23.09.2019 | 11:23
Аляксандр Лукашэнка і Раман Галоўчанка
Аляксандр Лукашэнка і Раман Галоўчанка

23 верасня, Мінск /Кар. БЕЛТА/. Беларусь аказалася ў гарачай палітычнай кропцы і павінна прымаць меры для сваёй бяспекі. Аб гэтым заявіў Прэзідэнт Беларусі Аляксандр Лукашэнка, прымаючы сёння з дакладам старшыню Дзяржаўнага ваенна-прамысловага камітэта Рамана Галоўчанку, перадае карэспандэнт БЕЛТА.

Аляксандр Лукашэнка адзначыў, што пасля разрыву Дагавора аб ліквідацыі ракет сярэдняй і меншай далёкасці Беларусь аказалася ў цэнтры ўвагі. Прэзідэнт падкрэсліў, што краіна выступае катэгарычна супраць размяшчэння такога ўзбраення ў Еўропе. "Я ўжо не раз аб гэтым гаварыў", - нагадаў кіраўнік дзяржавы.

Таму, растлумачыў ён, даклад Рамана Галоўчанкі не трэба ўспрымаць як бразганне зброяй. "Размова ідзе аб тым, што мы, таксама знаходзячыся ў гэтым катле, гарачай палітычнай кропцы, не можам не звяртаць увагу на забеспячэнне сваёй бяспекі. Свет, на жаль, не стаў бяспечней. Мы гэта бачым і, вядома, павінны прымаць пэўныя меры", - заявіў Аляксандр Лукашэнка.

Прэзідэнт пацікавіўся бягучай дзейнасцю Дзяржкамваенпрама, развіццём асноўных напрамкаў работы ведамства. Таксама кіраўнік дзяржавы спытаў, як цяпер развіваюцца прадпрыемствы, па якіх ім даваліся асобныя даручэнні. Размова, у прыватнасці, ішла аб 558-м Авіярамонтным заводзе ў Баранавічах, Аршанскім авіярамонтным заводзе, кампаніі "Тэхніка сувязі" ў Барані. "Даручэнняў было не адно. Асабліва калі мы глядзелі новыя сістэмы ўзбраенняў. Як рэалізуюцца гэтыя даручэнні? Яны ў асноўным звязаны не толькі з аднаўленнем дзейнасці існуючых прадпрыемстваў. Яны звязаны з выпускам найноўшых узораў узбраення, якія мы здольны сёння ствараць", - адзначыў кіраўнік дзяржавы.

Асобна ён пацікавіўся развіццём ракетабудаўнічай галіны. Аляксандр Лукашэнка нагадаў, што ў Беларусі ўжо стварылі ракету сярэдняй далёкасці, цяпер у планах распрацаваць яшчэ больш магутную зброю. "Размова ішла аб павелічэнні далёкасці, магутнасці гэтых ракет на падставе той базы, якая ў нас існуе, вопыту нашых партнёраў, перш за ўсё Кітайскай Народнай Рэспублікі, з якой мы актыўна супрацоўнічаем у галіне ракетабудавання. Хацелася б ведаць, як тут развіваюцца пытанні і вырашаюцца тыя задачы, якія былі пастаўлены", - сказаў Прэзідэнт.

Раман Галоўчанка далажыў, што задачы, якія стаяць перад ведамствам у гэтым годзе, у цэлым выконваюцца. Прадпрыемствы, што ўваходзяць у сістэму ДВПК, працуюць рэнтабельна, заработная плата там паступова расце. Паводле слоў старшыні камітэта, Дзяржкамваенпрам курыруе не толькі прадпрыемствы, што ўваходзяць у яго сістэму, але і ў цэлым арганізацыі абароннага сектара эканомікі.

Раман Галоўчанка
Раман Галоўчанка'

"Цяпер сярэдняя заработная плата складае Br1,6 тыс. Да канца года будзем выходзіць на Br1,7 тыс. Гэта даволі высокі паказчык", - адзначыў ён.

Аляксандр Лукашэнка звярнуў увагу на аплату працы нізкааплатных работнікаў - яе неабходна падцягваць. "Я паглядзеў па Оршы: добра, што вы да канца года ў сярэднім хаця б выйдзеце на Br1 тыс. Але трэба бачыць, што ў Дзяржкамваенпраме ёсць нізкааплатныя работнікі, і іх зарплату, як па ўсёй краіне, трэба падцягваць да гэтай сярэдняй зарплаты. Я вас не штурхаю да таго, каб вы плацілі людзям незаробленыя грошы, - заўважыў кіраўнік дзяржавы. - Не, сёння трэба напружвацца, мы на рынку працуем: што зарабілі, тое і падзялілі. Тым людзям, якія ў вас працуюць, трэба плаціць зарплату, калі вы іх нанялі".

Прэзідэнт дадаў, што Br1 тыс. - гэта не завоблачная зарплата, гэта той мінімум, які дзяржава ў сярэднім павінна забяспечыць, усё астатняе - у руках саміх грамадзян. "Але вось гэты мінімум, гэту падушку бяспекі для людзей мы павінны стварыць", - рэзюмаваў Аляксандр Лукашэнка.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Тэмпературныя рэкорды Беларусі 14 кастрычніка былі пабіты тэмпературныя рэкорды ў Мінску і ва ўсіх абласных цэнтрах, акрамя Брэста.