17 лютага, Асіповіцкі раён /Кар. БЕЛТА/. Прэзідэнт Беларусі Аляксандр Лукашэнка сёння ў час вучэнняў азнаёміўся з дзеяннем сумеснай групоўкі ракетных войскаў Беларусі і Расіі на палігоне Асіповіцкі, перадае карэспандэнт БЕЛТА.
На палігоне кіраўніку дзяржавы далажылі аб ходзе вучэнняў, размяшчэнні сумеснай групоўкі войскаў, праведзеных манеўрах рознымі падраздзяленнямі ўзброеных сіл Беларусі і Расіі.
Прэзідэнт таксама заслухаў даклады аб дзеяннях ракетных войскаў Беларусі і Расіі і стварэнні сумеснай групоўкі ракетных войскаў, у склад якой увайшлі рэактыўныя сістэмы залпавага агню "Паланэз" і расійскія аператыўна-тактычныя ракетныя комплексы "Іскандэр".
На палігоне сумеснай групоўкай ракетных войскаў быў ажыццёўлены электронны пуск ракет.
Як далажылі галоўнакамандуючаму камандзіры ракетных дывізіёнаў, і "Паланэзы", і "Іскандэры" ў час вучэнняў зарэкамендавалі сябе выдатна.-0-
