12 мая, Мінск /Кар. БЕЛТА/. Прэзідэнт Беларусі Аляксандр Лукашэнка ўпэўнены, што ў ІТ-сферы ў Беларусі і Расіі неабходна арыентавацца на стварэнне ўласных прадуктаў, а не працаваць у інтарэсах буйных замежных кампаній. Аб гэтым Прэзідэнт Беларусі заявіў на сустрэчы з паслом Расіі ў Беларусі Барысам Грызловым, перадае карэспандэнт БЕЛТА.
"Думаю, мы з Расіяй тут шмат чаго можам зрабіць. Мы ў рэшце рэшт павінны схіліць нашых айцішнікаў да вытворчасці гатовага канечнага прадукту, а не на пабягушках быць у буйных кампаній. Так, грошы, так, мільярды долараў - усё гэта зразумела. Але трэба рабіць з нуля гатовы прадукт і асвойваць яго тут, на постсавецкай прасторы. Перш за ўсё ў Беларусі і Расіі. Таму ёсць дзе разгарнуцца", - сказаў кіраўнік дзяржавы.
Ён адзначыў, што на гэта, зразумела, неабходны пэўныя сродкі, але гэта не гіганцкія грошы. "Мы разам можам знайсці. І не абавязкова дзесьці паасобку. Мы можам у саюзным бюджэце прадугледзець і пэўную тэматыку развіваць", - заўважыў беларускі лідар.-0-
