26 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка на селектарнай нарадзе па ўборачнай кампаніі падкрэсліў, што дзяржзаказ на збожжа павінен быць безумоўна выкананы, перадае карэспандэнт БЕЛТА.
"Дзяржзаказ на збожжа павінен быць безумоўна выкананы. Гэта ўжо не праблема. Паводле папярэдняй інфармацыі, збожжа сёлетняга ўраджаю прыдатнае для высакаякаснага хлебапячэння. Таму неабходна зрабіць закупкі ў аб'ёме поўнай патрэбнасці, - сказаў Аляксандр Лукашэнка. - Пры гэтым, калі збожжа якаснае і калі патрэбна, гэтыя закупкі зрабіць з запасам".
Акрамя таго, паводле слоў Прэзідэнта, трэба стварыць базу для выканання праграмных задач у АПК, нарыхтаваць збожжафураж для жывёлагадоўлі з улікам патрабаванняў рацыёнаў, што забяспечваюць высокі ўзровень прадукцыйнасці па малаку і мясе.-0-
