Сцяг Чацвер, 25 ліпеня 2024
Усе навіны
Усе навіны
Прэзідэнт
03 чэрвеня 2024, 07:39

Лукашэнка адзначыў поспехі ў развіцці флагмана ў галіне распрацоўкі вымяральнай тэхнікі - ААТ "МНДПІ"

Фота з архіва
Фота з архіва
3 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў кіраўнікоў, работнікаў і ветэранаў ААТ "Мінскі навукова-даследчы прыборабудаўнічы інстытут" з 70-годдзем з дня ўтварэння. Аб гэтым БЕЛТА паведамілі ў прэс-службе беларускага лідара.

"Створанае ў першае дзесяцігоддзе пасля вызвалення Беларусі ад нямецка-фашысцкіх захопнікаў прадпрыемства - прыклад мірнага працоўнага подзвігу народа-пераможцы, - гаворыцца ў віншаванні. - Паспяхова асвоіўшы ў пасляваенны час шырокі асартымент прыбораў, сродкаў вымярэння і іншай радыёэлектроннай апаратуры рознага прызначэння, супрацоўнікі і рабочыя інстытута заклалі магутную аснову тэхналагічнага і інавацыйнага развіцця нашай дзяржавы".

Аляксандр Лукашэнка падзякаваў за высокі прафесіяналізм і адданасць справе ветэранам вытворчасці і ўсім, хто працуе цяпер, захоўваючы традыцыі і імідж прадпрыемства, якое стала флагманам у галіне крытычных тэхналогій распрацоўкі вымяральнай тэхнікі, вядомай далёка за межамі Беларусі.

"Распрацоўваючы і выпускаючы сучасныя рухомыя інфармацыйныя, радыётэлевізійныя цэнтры, сродкі тэхнічнай абароны інфармацыі, інфармацыйнага проціборства, прыборы і абсталяванне для станкабудавання, ядзернай энергетыкі, касмічных сродкаў, вы развіваеце айчынную навуку, умацоўваеце эканоміку краіны, забяспечваеце нацыянальную бяспеку", - падкрэсліў Прэзідэнт.

Кіраўнік дзяржавы пажадаў усім работнікам і ветэранам прадпрыемства моцнага здароўя, шчасця, дабрабыту і новых поспехаў у працы на карысць Беларусі.-0-
Падпісвайцеся на нас у
Twitter
Топ-навіны
Свежыя навіны Беларусі