Сцяг Чацвер, 23 мая 2024
Усе навіны
Усе навіны
Прэзідэнт
23 красавіка 2024, 10:51

Лукашэнка адобрыў праект пагаднення з Расіяй аб супрацоўніцтве ў сферы нагляду за фінансавым рынкам

Фота з архіва
Фота з архіва
23 красавіка, Мінск /Кар. БЕЛТА/. Кіраўнік дзяржавы Аляксандр Лукашэнка 22 красавіка падпісаў указ нумар 172, якім адобрыў у якасці асновы для правядзення перагавораў праект пагаднення паміж урадам Беларусі, Нацыянальным банкам Беларусі і ўрадам Расіі, Цэнтральным банкам Расіі аб супрацоўніцтве і абмене інфармацыяй, у тым ліку канфідэнцыяльнай, у сферы нагляду і (або) кантролю за фінансавым рынкам. Аб гэтым БЕЛТА паведамілі ў прэс-службе Прэзідэнта.

У мэтах умацавання надзейнасці і забеспячэння стабільнасці фінансавых рынкаў праектам пагаднення замацоўваюцца спосабы абмену паміж нагляднымі органамі (Нацбанкам Беларусі, Мінфінам Беларусі і Цэнтрабанкам Расіі) інфармацыяй, атрыманай у рамках нагляду і кантролю на фінансавых рынках. Прадугледжана таксама працэдура правядзення нагляднымі органамі сумесных праверак удзельнікаў фінансавага рынку, якія маюць трансгранічныя ўстановы, і магчымасць стварэння сумесных наглядных калегій.

На правядзенне перагавораў па праекце пагаднення і яго падпісанне ўпаўнаважаны ўрад і Нацыянальны банк.-0-
Падпісвайцеся на нас у
Twitter
Топ-навіны
Свежыя навіны Беларусі