ДЗЯРЖОРГАНЫДЗЯРЖОРГАНЫ
Флаг Чацвер, 20 студзеня 2022
Мінск -2°C
Усе навіны
Усе навіны
Прэзідэнт
02 снежня 2021, 11:20

Лукашэнка: адносіны Беларусі і Расіі нарэшце развіваюцца адкрыта, прынцыпова, сумленна

У час сустрэчы
У час сустрэчы

2 снежня, Мінск /Кар. БЕЛТА/. Адносіны Беларусі і Расіі нарэшце развіваюцца адкрыта, прынцыпова і сумленна. Аб гэтым Прэзідэнт Беларусі Аляксандр Лукашэнка заявіў сёння на сустрэчы са старшынёй Дзяржаўнай думы Расіі Вячаславам Валодзіным, перадае карэспандэнт БЕЛТА.

"Мы з вамі вельмі даўно знаёмы. Увогуле, аднадумцы, але сустракаемся афіцыйна першы раз. У гэтым нейкая дзіўнасць. Але я думаю, што мы навярстаем, калі ёсць нешта ўпушчанае. Хоць, як мы сёння бачым, наўрад ці мы можам сябе ў нечым папракнуць. Нашы адносіны - Беларусі і Расіі - нарэшце развіваюцца адкрыта, прынцыпова, сумленна", - заявіў кіраўнік дзяржавы.

Прэзідэнт таксама адзначыў, што ў адносінах дзвюх краін цяпер "не адчуваецца нейкіх патаемных плыней". "Мы вельмі рады гэтаму. Кажуць, што нешта звонку на нас паўплывала. Але на нас звонку заўсёды нешта ўплывае, на некага мы ўплываем. Справа не ў гэтым. Сутнасць у тым, што мы разумеем, што ў гэтым свеце трэба захаваць тую цывілізацыю, якая існавала спрадвеку і існуе сёння на нашай агульнай Айчыне. Калі мы гэтага не зробім, мы гэту цывілізацыю загубім. Няхай сёння выюць, крычаць на Захадзе, што мы ставім перад сабой такія мэты, але гэта так", - падкрэсліў кіраўнік дзяржавы.

Аляксандр Лукашэнка растлумачыў, што пад агульнай цывілізацыйнай прасторай разумеецца тэрыторыя Беларусі і Расіі, дзе мірна жывуць прадстаўнікі вялікай колькасці розных нацыянальнасцей. "І ў гэтым сутнасць нашай цывілізацыі - што мы нікога не прыгняталі, не прыгнятаем і не збіраемся прыгнятаць, у адрозненне ад іх", - звярнуў увагу Прэзідэнт. На яго думку, у гэтай жа прасторы павінна знаходзіцца і Украіна. Беларускі лідар выказаў упэўненасць, што ўкраінскі народ "адстроіць абстаноўку і выраўнуе сітуацыю", каб гэта стала менавіта так.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі