24 лістапада, Ерэван /Кар. БЕЛТА/. АДКБ будзе існаваць, і ніхто нідзе не рухне. Аб гэтым заявіў Прэзідэнт Беларусі Аляксандр Лукашэнка, выкладаючы на саміце АДКБ у Ерэване прыярытэты будучага беларускага старшынства ў АДКБ, перадае карэспандэнт БЕЛТА.
Кіраўнік дзяржавы адзначыў, што апошнім часам у СМІ развіваецца тэзіс аб тым, што жыццё і лёс АДКБ залежаць ад выніку расійскай спецаперацыі ва Украіне: "Калі Расія пераможа, АДКБ будзе жыць. Калі, не дай бог, не пераможа, АДКБ існаваць не будзе". "І ў нашых краінах таксама многія гарачыя галовы пачалі абмяркоўваць гэту праблему", - канстатаваў Аляксандр Лукашэнка.
"Адчуваю, што мы прыйшлі да адзінага меркавання, што калі, не дай бог, рухне Расія, то пад гэтымі абломкамі наша месца", - сказаў кіраўнік беларускай дзяржавы.
"Таму мы не толькі адзін аднаго павінны абараняць, але разумець (як заўсёды мы ў звычайны час гаварылі): "Расія, Расія, галоўная яе роля..." Дык вось не павінна нават быць такіх размоў. Мы не збіраемся з ваенна-палітычнай арэны сыходзіць. АДКБ будзе існаваць, і ніхто нідзе не рухне. Але адзінства нам патрэбна", - дадаў Прэзідэнт Беларусі.-0-
