ДЗЯРЖОРГАНЫДЗЯРЖОРГАНЫ
Нядзеля, 31 мая 2020
Мінск Суцэльная воблачнасць +17°C
Усе навіны
Усе навіны
Прэзідэнт
31 сакавіка 2020, 13:37

Лукашэнка абмеркаваў з Пашынянам цэны на імпартны газ, магчымасць сустрэчы лідараў ЕАЭС і сітуацыю з вірусамі

Фота з архіва
Фота з архіва

31 сакавіка, Мінск /Кар. БЕЛТА/. Тэлефонная размова Прэзідэнта Беларусі і прэм'ер-міністра Арменіі адбылася сёння па ініцыятыве армянскага боку. Аб гэтым БЕЛТА паведамілі ў прэс-службе беларускага лідара.

Аляксандр Лукашэнка і Нікол Пашынян абмеркавалі пытанні функцыянавання эканомікі ў цяперашніх няпростых умовах, адзначыўшы існуючыя сур'ёзныя праблемы і складанасці.

Бакі абмяняліся меркаваннямі адносна цэн на вуглевадароды, якія і Беларусь, і Арменія імпартуюць з Расіі. Аляксандр Лукашэнка і Нікол Пашынян канстатавалі завышаны ўзровень цэн на прыродны газ, адзначыўшы, што ён, відавочна, не адпавядае сусветнаму ўзроўню і існуючай сітуацыі ў цэлым.

Асобнай тэмай размовы стала функцыянаванне сістэм аховы здароўя і процідзеянне распаўсюджванню сезонных вострых вірусных інфекцый.

Таксама ў сувязі з існуючым станам спраў Прэзідэнт Беларусі і прэм'ер-міністр Арменіі абмеркавалі магчымасць сустрэчы кіраўнікоў дзяржаў ЕАЭС для абмеркавання ўзнікшых эканамічных выклікаў. З ініцыятывай аб правядзенні такой сустрэчы выступіў Аляксандр Лукашэнка як лідар краіны, якая старшынствуе ў Еўразійскім эканамічным саюзе. Беларускі лідар падкрэсліў наяўнасць неадкладных пытанняў, якія патрабуюць дэталёвага абмеркавання на вышэйшым узроўні.

У развіццё размовы беларускі лідар даў даручэнне старшыні Калегіі ЕЭК Міхаілу Мясніковічу прапрацаваць гэта пытанне з кожным з бакоў і давесці да іх пазіцыі, якія абмяркоўваліся. У выпадку згоды кіраўнікоў дзяржаў Беларусь прапануе правесці сустрэчу ў выключна вузкім складзе, гарантаваўшы поўную бяспеку кожнаму з членаў дэлегацый. Альтэрнатыўным варыянтам правядзення такога абмеркавання, на думку беларускага боку, можа стаць відэаканферэнцыя з удзелам лідараў Еўразійскага эканамічнага саюза.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі