7 ліпеня, Копысь /Міхаіл Маціеўскі - БЕЛТА/. Год для сельскай гаспадаркі пакуль нядрэнны ў частцы ўмоў надвор'я, адзначыў Прэзідэнт Беларусі Аляксандр Лукашэнка сёння на сустрэчы з жыхарамі гарадскога пасёлка Копысь і бліжэйшых населеных пунктаў, перадае карэспандэнт БЕЛТА.
"Год гэты пакуль для сельскай гаспадаркі нядрэнны. Асабліва для збожжа. Асабліва там, дзе па-чалавечы да гэтага ставяцца", - сказаў Аляксандр Лукашэнка.
Кіраўнік дзяржавы дадаў, што калі ў час пасяўной выконваліся ўсе тэхналогіі і выкарыстоўвалася якаснае насенне, то ўраджай будзе добрым. "Пакуль няма праблем", - падкрэсліў ён.
Было адзначана, што ў Беларусь ідзе паўднёвы цыклон, таму на працягу тыдня чакаецца гарачае надвор'е - да 30 градусаў.-0-