Сцяг Аўторак, 19 сакавіка 2024
Усе навіны
Усе навіны
Прэзідэнт
21 студзеня 2022, 15:40

Лукашэнка аб справаздачы ІКАО: лепшым рашэннем цяпер для іх будзе спусціць усё на тармазах

21 студзеня, Лунінец /Кар. БЕЛТА/. Прэзідэнт Беларусі Аляксандр Лукашэнка сёння ў час размовы з журналістамі пракаменціраваў справаздачу ІКАО аб расследаванні інцыдэнту, звязанага з экстраннай пасадкай самалёта авіякампаніі Ryanair у Мінску, перадае карэспандэнт БЕЛТА.

Кіраўнік дзяржавы адзначыў: у ІКАО прызналі, што перахопу, прымушэння да пасадкі або змянення маршруту самалёта Ryanair з боку Беларусі не было. Пры гэтым Прэзідэнт назваў супрацоўнікаў ІКАО, якія займаліся расследаваннем інцыдэнту, гераічнымі людзьмі: "Іх трэба станоўча ацаніць. Пры тым націску (гэта аанаўская арганізацыя, вы ведаеце, што мы там не проста ў меншасці, мы там адны) і тым не менш яны былі вымушаны прызнаць, што Лукашэнка па самалёце агонь не адкрываў, не абстрэльваў яго, што МіГ ён не падымаў для таго, каб прымусіць да пасадкі гэты самалёт. Слухайце, гэта героі, што яны хоць гэта сказалі".

Паводле слоў Аляксандра Лукашэнкі, для Беларусі ўжо важны сам гэты факт, нечага большага ад расследавання пакуль не чакаюць. "Калі яны гатовы іншае даказаць, факты на стол. Фактаў няма, мы таксама гэта бачым: цяпер гэта разаслана ўсім краінам - членам ІКАО. Вы ведаеце, хто там вяршэнствуе. Лепшае для іх - гэта спусціць усё на тармазах, не лезці ў нетры. Таму што чым далей у лес, тым больш дроў. Таму не трэба лезці ў нетры там: іх нічога добрага не чакае", - падкрэсліў кіраўнік дзяржавы.

Прэзідэнт упэўнены, што ўвесь свет ужо зразумеў, хто мае рацыю ў названай сітуацыі. "Цяпер мы ацэньваем са спецыялістамі, будзем звяртацца ў судовыя органы. У нас для гэтага ўсё ёсць. Няхай плацяць за той урон, які яны нанеслі краіне. Не толькі "Белавія", краіне ў цэлым", - заявіў Аляксандр Лукашэнка.

Як паведамлялася, некалькі дзён таму ІКАО разаслала справаздачу аб расследаванні інцыдэнту, звязанага з экстраннай пасадкай самалёта авіякампаніі Ryanair у Мінску. Справаздача была прадастаўлена ўсім 193 дзяржавам - членам ІКАО, уключаючы 36 дзяржаў, выбраных цяпер у Савет ІКАО. 31 студзеня савет разгледзіць даклад і прыме адпаведныя дзеянні, таксама будзе абмеркаваны запыт Беларусі аб законнасці накладзеных на яе санкцый.

Дырэктар Дэпартамента па авіяцыі Міністэрства транспарту і камунікацый Арцём Сікорскі, каменціруючы справаздачу ІКАО, заявіў, што ў ІКАО прынялі доказы беларускага боку аб тым, што перахопу, прымушэння да пасадкі альбо змянення маршруту самалёта Ryanair з боку Беларусі не было, у прыватнасці, ваенным самалётам МіГ-29, аб якім раней заяўлялася. "Групай па ўстанаўленні фактаў ІКАО адзначана, што з боку лётнага і кабіннага экіпажа паветранага судна ніякіх візуальных сігналаў не назіралася, не было сувязі з гэтым паветраным суднам. Гэта доказ таго, што перахопу з боку МіГ-29 не было", - адзначыў дырэктар дэпартамента.

Паводле яго слоў, у дакуменце адзначаны яшчэ адзін важны момант, на які раней звяртаў увагу беларускі бок. "Даныя аб'ектыўнага кантролю перагавораў экіпажа паветранага судна ў кабіне не захаваліся з прычыны таго, што экіпаж пасля пасадкі самалёта ў Мінску не выключыў самапісцы. Тым самым экіпаж не захаваў даныя аб'ектыўнага кантролю і свой аўдыязапіс таго моманту, калі яны прымалі рашэнне аб пасадцы ў Мінску. Гэта выглядае дзіўна", - падкрэсліў Арцём Сікорскі.-0-

Падпісвайцеся на нас у
Twitter
Топ-навіны
Свежыя навіны Беларусі