24 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка патрабуе забяспечыць дынаміку ў развіцці відаў спорту. Аб гэтым ён заявіў на нарадзе аб выніках удзелу беларускіх спартсменаў у XXIV зімовых Алімпійскіх гульнях і перспектывах развіцця зімовых відаў спорту, перадае карэспандэнт БЕЛТА.
"Дзе дынаміка станоўчая, дзе прагрэс? Вось што мне патрэбна! - падкрэсліў беларускі лідар пасля даклада Сяргея Кавальчука. - Я як эканаміст разумею: сёння так было, заўтра рухаемся наперад".
Аляксандр Лукашэнка ў сувязі з гэтым канстатаваў, што колькасць медалёў, заваяваных на папярэдніх зімовых Алімпійскіх гульнях, пакуль мае тэндэнцыю да зніжэння. "Вось ваша тэндэнцыя. А вы мне тут расказваеце, што вы нешта прааналізавалі, нешта зрабілі..." - заўважыў ён.
"Мы ўклалі каласальныя грошы. І людзі хочуць бачыць сваіх герояў (перамогі ў спорце. - Заўвага БЕЛТА)!" - заявіў кіраўнік дзяржавы.
Прэзідэнт выказаў шэраг нараканняў па развіцці і дасягненні вынікаў у шэрагу відаў спорту. "Што датычыцца хакея, што тут гаварыць, вы бачыце - гэта ганьба! Было тры каткі крытыя, цяпер іх 44. Што змянілася? Вы сталі наогул дрэнна гуляць у хакей! Нацыянальныя віды спорту - футбол і хакей", - падкрэсліў ён.-0-
