25 сакавіка, Мінск /Кар. БЕЛТА/. Найважнейшы агульнанацыянальны праект - далейшае развіццё рэгіёнаў. Аб гэтым Прэзідэнт Беларусі Аляксандр Лукашэнка заявіў на цырымоніі інаўгурацыі ў Палацы Незалежнасці, перадае карэспандэнт БЕЛТА.
"Любая глабальная мэта ў прынцыпе не дасягальная без дасканалага вырашэння жыццёвых штодзённых праблем. Найважнейшы агульнанацыянальны праект - далейшае развіццё нашых рэгіёнаў. Кожнага кутка нашай краіны. Моцная краіна - гэта моцныя рэгіёны! - заявіў беларускі лідар. - Мы спынім сцягванне працоўных рэсурсаў у Мінск і буйныя гарады. У нас кампактная краіна. І можам сабе дазволіць эфектыўнае для дзяржавы і зручнае для людзей размеркаванне працоўных месцаў па ўсёй тэрыторыі (ад Хоцімска да Маларыты, ад Камарына да Браслава)".
"Для гэтага трэба выраўноўваць магчымасці. Дзе беларусы ні жылі б - у вялікіх вёсках, аграгарадках, раённых цэнтрах - усюды ўмовы павінны быць, як у сталіцы. Якасныя дарогі, даступны транспарт - прыярытэт нумар адзін", - сказаў Аляксандр Лукашэнка.
Паводле яго слоў, другі прыярытэт - перагляд жыллёвай палітыкі: "Натуральнае і зразумелае жаданне кожнага чалавека - мець свой кут. Таму задача дзяржавы - маштабная праграма даступнага арэнднага жылля, прывязанага да новых працоўных месцаў. Прынцып просты: прыйшоў на завод, сельскагаспадарчае прадпрыемства - хутка атрымаеш сваё жыллё".-0-
Падпісвайцеся на нас у
