4 мая, Мінск /Уладзімір Мацвееў - БЕЛТА/. У Беларусі ў бліжэйшы час будзе вызначана дата маючых адбыцца прэзідэнцкіх выбараў. Аб гэтым сёння заявіў Прэзідэнт Беларусі Аляксандр Лукашэнка ў час перагавораў у фармаце відэаканферэнцыі са сваім малдаўскім калегам Ігарам Дадонам, перадае карэспандэнт БЕЛТА.
"Ведайце, што вы ў Беларусі заўсёды жаданы госць. У любы час, як толькі вам дазволяць абставіны. Я ведаю, што ў вас прэзідэнцкія выбары, але ў нас яшчэ раней адбудуцца прэзідэнцкія выбары. У нас няма падстаў тут іх пераносіць, няма магчымасці па Канстытуцыі перанесці гэтыя выбары. Таму мы правядзём выбары, у бліжэйшы час з датай вызначымся. Гэта будзе дакладна летам. Апошні тэрмін - канец жніўня", - заявіў кіраўнік дзяржавы.
Што датычыцца маючых адбыцца прэзідэнцкіх выбараў у Малдове, Аляксандр Лукашэнка адзначыў, што Ігар Дадон атрымлівае ўсё большую падтрымку малдаўскага народа. "Мне здаецца, што малдаўскі народ гатовы падтрымаць тыя прапановы, якія вы сёння са сваёй камандай унеслі на разгляд малдаван", - упэўнены беларускі лідар.
Прэзідэнт запэўніў, што Беларусь гатова, як і раней, актыўна развіваць супрацоўніцтва з Малдовай: "Ведайце, што мы заўсёды побач, заўсёды гатовы падтрымліваць ваш народ. Мы многае для Малдовы можам зрабіць. Як толькі будуць зняты ў вас абмежаванні, мы гатовы ехаць да вас, ляцець, гандляваць, сустракацца. Будзем рады бачыць і прадстаўнікоў Малдовы ў нас у Беларусі".-0-
