7 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка на пасяджэнні Савета бяспекі выказаўся аб перанясенні расійска-ўкраінскіх перагавораў з Беларусі ў Стамбул, перадае карэспандэнт БЕЛТА.
"Стамбул - гэта націск Захаду на Украіну ні ў якім разе не ехаць у Беларусь. Ім не патрэбна была міратворчая місія ў Беларусі. Паводле задумы я вам сказаў: яны ў адну карзіну нас склалі з Расіяй і вырашылі разам разабрацца. Ну якая міратворчая пляцоўка (у Беларусі. - Заўвага БЕЛТА), трэба, напрыклад, у Стамбуле, у краіне НАТА", - сказаў Аляксандр Лукашэнка.
Разам з тым Прэзідэнт падкрэсліў, што Беларусь не настойвае на сваёй пляцоўцы: "Няхай там праводзяць гэтыя перагаворы. Галоўнае, каб быў вынік. Таму што вайна, яшчэ раз падкрэсліваю, гэта вялікая шкода для Беларусі".
На пасяджэнні Савета бяспекі Аляксандр Лукашэнка таксама заявіў, што і Беларусь павінна ўдзельнічаць у перагаворах. "Я хачу проста ўпершыню вам абазначыць на сённяшні дзень нашу пазіцыю, якая даведзена да міністра замежных спраў і даручана МЗС яе рэалізаваць. Не можа быць перагавораў без удзелу Беларусі. Калі вы нас увязалі ў гэта, перш за ўсё заходнія краіны, там, на гэтых перагаворах, зразумела, павінна прагучаць пазіцыя Беларусі", - заявіў кіраўнік дзяржавы.
"Мы зыходзім не з таго, што нас у адну карзіну пагрузілі з Расіяй. Не. Мы зыходзім з таго, што гэта вайна - за агароджай нашай краіны. І яна вельмі сур'ёзна ўплывае на сітуацыю ў Беларусі. Таму ніякіх сепаратных за спінай Беларусі дамоўленасцей быць не можа", - падкрэсліў беларускі лідар.-0-
