Фота з архіва
10 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю МТРК "Мір" расказаў, чаму айчынныя харчовыя тавары карыстаюцца добрым попытам у многіх краінах свету, перадае карэспандэнт БЕЛТА.
Кіраўніка дзяржавы спыталі, што можа прапанаваць Беларусь партнёрам па ЕАЭС і іншых краінах для павышэння харчовай бяспекі.
Прэзідэнт звярнуў увагу, што Беларусь тут дасягнула важкіх вынікаў і не толькі цалкам забяспечвае сябе прадуктамі харчавання, але і пастаўляе іх у вялікім аб'ёме на экспарт - $8,5 млрд валютнай выручкі па выніках 2024 года. Прычым у гэту лічбу не ўключана тое, што вывозіцца ў прыватным парадку турыстамі і гасцямі краіны, самімі грамадзянамі ў час паездак за мяжу.
У гэтым плане беларускі напрамак нейкі час быў асабліва запатрабаваным сярод жыхароў краін Балтыі, у тым ліку Літвы. Аднак улады гэтай краіны ўвялі забарону на ўвоз прадуктаў харчавання з Беларусі. "Яны ўжо забаранілі - спалохаліся і забаранілі тавары з Беларусі", - сказаў Аляксандр Лукашэнка. Ён упэўнены, што ў сучасным свеце немагчыма цалкам блакіраваць пастаўкі: "Ніхто нічога не забароніць. Знойдуцца іншыя шляхі і спосабы. Яны, можа, будуць крыху даражэйшыя, а можа, і не - пастаўкі гэтых тавараў. Людзі самі знойдуць гэтыя шляхі".
Кіраўнік дзяржавы падкрэсліў, што Беларусь мае вопыт і тэхналогіі, якія дазваляюць умацоўваць харчовую бяспеку, і гатова дзяліцца імі з іншымі краінамі.
У развіццё тэмы Прэзідэнт прывёў прыклады такога ўзаемадзеяння, у прыватнасці з Венесуэлай і Зімбабвэ.
"У Венесуэле мы некалі пачыналі, яшчэ Уга Чавес быў, мы дружныя былі з ім. Ён папрасіў дапамагчы ў сельскай гаспадарцы. Гавару: "Мы табе пабудуем калгас і пабудуем некалькі фермерскіх гаспадарак. Вы нам пакажыце, якія глебы, землі і гэтак далей. Нашы спецыялісты выедуць і прапануюць", - расказаў беларускі лідар. Ён нагадаў, што Беларусь аналагічным чынам дапамагала Венесуэле і ў іншых галінах, у вытворчасці будматэрыялаў, сельскагаспадарчай тэхнікі і многім іншым.
Яшчэ адзін прыклад - супрацоўніцтва Беларусі з Зімбабвэ, дзякуючы якому гэта краіна стала збіраць рэкордныя ўраджаі збожжавых, што дазволіла істотна ўмацаваць яе харчовую бяспеку, а прасцей кажучы - накарміць людзей. "Чаму? Таму што нашы спецыялісты прыехалі, паказалі і расказалі, тэхніку паставілі, навучылі людзей. Яны пачалі араць зямлю і сеяць. Яны два ўраджаі мінімум здымаюць. І яны нарэшце атрымалі тыя ўраджаі, якія садзейнічалі таму, што ў іх хлеб з'явіўся", - заўважыў Аляксандр Лукашэнка. Цяпер Беларусь і Зімбабвэ пашыраюць супрацоўніцтва ў сферы аховы здароўя, развіваюцца пастаўкі айчынных прадуктаў дзіцячага харчавання, рэалізуецца комплекс мер, каб вырашыць актуальную для гэтай краіны праблему дзіцячай смяротнасці.
"У нас гэты вопыт будаўніцтва харчовай бяспекі ёсць. Пад харчовай бяспекай мы разумеем збожжа, мяса, хлеб і гэтак далей. Але іх трэба з зямелькі ўзяць. А для гэтага патрэбны трактар, глебаапрацоўчая тэхніка. Самы высокі ўзровень (такой тэхнікі ёсць у Беларусі. - Заўвага БЕЛТА), мы можам прапанаваць гэта ў любым пункце, - заявіў кіраўнік дзяржавы. - У гэтым плане (ад тэхнікі да гатовай прадукцыі) мы гатовы прапанаваць і ўнесці свой уклад у харчовую бяспеку".
Прэзідэнт звярнуў увагу, што беларускія прадукты харчавання карыстаюцца попытам і ў тых рэгіёнах, дзе добра развіта ўласная сельскагаспадарчая вытворчасць. Напрыклад, у Башкортастане, Татарстане. "Нават вы, развітыя рэспублікі ў Расіі, вы купляеце беларускае, вы паспрабавалі замежнага, параўналі "цана-якасць", - адзначыў Аляксандр Лукашэнка.
"Да мяне прыязджаюць кіраўнікі (рэгіёнаў Расіі. - Заўвага БЕЛТА) і просяць: "Нам вось гэта трэба і гэта. Гэта якаснае, па цане ніжэй і людзі прывыклі". Мы можам прапанаваць вам і прапануем, і людзі купляюць гэта. Не трэба нікуды ехаць, значна танней, чым імпартнае", - абазначыў Прэзідэнт перавагі айчынных харчовых тавараў.-0-
Кіраўніка дзяржавы спыталі, што можа прапанаваць Беларусь партнёрам па ЕАЭС і іншых краінах для павышэння харчовай бяспекі.
Прэзідэнт звярнуў увагу, што Беларусь тут дасягнула важкіх вынікаў і не толькі цалкам забяспечвае сябе прадуктамі харчавання, але і пастаўляе іх у вялікім аб'ёме на экспарт - $8,5 млрд валютнай выручкі па выніках 2024 года. Прычым у гэту лічбу не ўключана тое, што вывозіцца ў прыватным парадку турыстамі і гасцямі краіны, самімі грамадзянамі ў час паездак за мяжу.
У гэтым плане беларускі напрамак нейкі час быў асабліва запатрабаваным сярод жыхароў краін Балтыі, у тым ліку Літвы. Аднак улады гэтай краіны ўвялі забарону на ўвоз прадуктаў харчавання з Беларусі. "Яны ўжо забаранілі - спалохаліся і забаранілі тавары з Беларусі", - сказаў Аляксандр Лукашэнка. Ён упэўнены, што ў сучасным свеце немагчыма цалкам блакіраваць пастаўкі: "Ніхто нічога не забароніць. Знойдуцца іншыя шляхі і спосабы. Яны, можа, будуць крыху даражэйшыя, а можа, і не - пастаўкі гэтых тавараў. Людзі самі знойдуць гэтыя шляхі".
Кіраўнік дзяржавы падкрэсліў, што Беларусь мае вопыт і тэхналогіі, якія дазваляюць умацоўваць харчовую бяспеку, і гатова дзяліцца імі з іншымі краінамі.
У развіццё тэмы Прэзідэнт прывёў прыклады такога ўзаемадзеяння, у прыватнасці з Венесуэлай і Зімбабвэ.
"У Венесуэле мы некалі пачыналі, яшчэ Уга Чавес быў, мы дружныя былі з ім. Ён папрасіў дапамагчы ў сельскай гаспадарцы. Гавару: "Мы табе пабудуем калгас і пабудуем некалькі фермерскіх гаспадарак. Вы нам пакажыце, якія глебы, землі і гэтак далей. Нашы спецыялісты выедуць і прапануюць", - расказаў беларускі лідар. Ён нагадаў, што Беларусь аналагічным чынам дапамагала Венесуэле і ў іншых галінах, у вытворчасці будматэрыялаў, сельскагаспадарчай тэхнікі і многім іншым.
Яшчэ адзін прыклад - супрацоўніцтва Беларусі з Зімбабвэ, дзякуючы якому гэта краіна стала збіраць рэкордныя ўраджаі збожжавых, што дазволіла істотна ўмацаваць яе харчовую бяспеку, а прасцей кажучы - накарміць людзей. "Чаму? Таму што нашы спецыялісты прыехалі, паказалі і расказалі, тэхніку паставілі, навучылі людзей. Яны пачалі араць зямлю і сеяць. Яны два ўраджаі мінімум здымаюць. І яны нарэшце атрымалі тыя ўраджаі, якія садзейнічалі таму, што ў іх хлеб з'явіўся", - заўважыў Аляксандр Лукашэнка. Цяпер Беларусь і Зімбабвэ пашыраюць супрацоўніцтва ў сферы аховы здароўя, развіваюцца пастаўкі айчынных прадуктаў дзіцячага харчавання, рэалізуецца комплекс мер, каб вырашыць актуальную для гэтай краіны праблему дзіцячай смяротнасці.
"У нас гэты вопыт будаўніцтва харчовай бяспекі ёсць. Пад харчовай бяспекай мы разумеем збожжа, мяса, хлеб і гэтак далей. Але іх трэба з зямелькі ўзяць. А для гэтага патрэбны трактар, глебаапрацоўчая тэхніка. Самы высокі ўзровень (такой тэхнікі ёсць у Беларусі. - Заўвага БЕЛТА), мы можам прапанаваць гэта ў любым пункце, - заявіў кіраўнік дзяржавы. - У гэтым плане (ад тэхнікі да гатовай прадукцыі) мы гатовы прапанаваць і ўнесці свой уклад у харчовую бяспеку".
Прэзідэнт звярнуў увагу, што беларускія прадукты харчавання карыстаюцца попытам і ў тых рэгіёнах, дзе добра развіта ўласная сельскагаспадарчая вытворчасць. Напрыклад, у Башкортастане, Татарстане. "Нават вы, развітыя рэспублікі ў Расіі, вы купляеце беларускае, вы паспрабавалі замежнага, параўналі "цана-якасць", - адзначыў Аляксандр Лукашэнка.
"Да мяне прыязджаюць кіраўнікі (рэгіёнаў Расіі. - Заўвага БЕЛТА) і просяць: "Нам вось гэта трэба і гэта. Гэта якаснае, па цане ніжэй і людзі прывыклі". Мы можам прапанаваць вам і прапануем, і людзі купляюць гэта. Не трэба нікуды ехаць, значна танней, чым імпартнае", - абазначыў Прэзідэнт перавагі айчынных харчовых тавараў.-0-
Падпісвайцеся на нас у
