ДЗЯРЖОРГАНЫДЗЯРЖОРГАНЫ
Флаг Пятніца, 21 студзеня 2022
Мінск -4°C
Усе навіны
Усе навіны
Прэзідэнт
02 снежня 2021, 09:00

Лукашэнка аб адзінай валюце з Расіяй: гэта больш высокі ўзровень інтэграцыі, да якога мы не падышлі

Фота з архіва
Фота з архіва

2 снежня, Мінск /Кар. БЕЛТА/. Прэзідэнт Беларусі Аляксандр Лукашэнка назваў увядзенне адзінай валюты з Расіяй больш высокім узроўнем інтэграцыі, да якога бакі яшчэ не падышлі. Аб гэтым Прэзідэнт Беларусі Аляксандр Лукашэнка заявіў у інтэрв'ю генеральнаму дырэктару міжнароднага інфармацыйнага агенцтва "Расія сёння" Дзмітрыю Кісялёву, перадае карэспандэнт БЕЛТА.

"Да адзінай валюты трэба прыйсці "стэп бай стэп". Калі мы з Ельцыным (першы прэзідэнт Расіі Барыс Ельцын. - Заўвага БЕЛТА) падпісвалі пагадненне, мы мелі на ўвазе, што гэта не беларускі і не расійскі будзе рубель. А нейкая іншая валюта. Але паколькі ў нас рубель, у вас рубель, навошта нам выдумліваць і называць яе талер або яшчэ нешта. Так, гэта будзе рубель", - сказаў Прэзідэнт.

Другое пытанне, паводле яго слоў, гэта ўмовы, на якіх будзе працаваць эмісійны цэнтр: "Давайце зробім, як у Еўрасаюзе. Ён павінен быць незалежным. Ён не павінен быць расійскім".

"Гэта (увядзенне адзінай валюты. - Заўвага БЕЛТА) больш высокі ўзровень інтэграцыі, да якога мы не падышлі. Падыдзем - будзем вырашаць", - дадаў беларускі лідар.

Аляксандру Лукашэнку таксама было зададзена пытанне, ці ёсць патэнцыяльна нейкія межы інтэграцыі Беларусі і Расіі. "Ні ў аднаго працэсу няма ніякіх меж. Па-філасофску гучыць, але гэта так. Ніякіх меж няма", - сказаў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі