Мабільная версія
ДЗЯРЖОРГАНЫ
Апошнія навіны
Усе навіны

Лукашэнка: 7 лістапада - свята міру і сапраўдных правоў чалавека

Прэзідэнт 06.11.2018 | 17:16
Аляксандр Лукашэнка
Аляксандр Лукашэнка

6 лістапада, Жыткавіцкі раён /Аліна Грышкевіч - БЕЛТА/. 7 лістапада - свята міру і сапраўдных правоў чалавека. Такое меркаванне выказаў Прэзідэнт Беларусі Аляксандр Лукашэнка сёння ў час размовы з прадстаўнікамі працоўных калектываў дарожных арганізацый, якія ўдзельнічалі ў будаўніцтве моста, а таксама з жыхарамі Жыткавіцкага раёна, перадае карэспандэнт БЕЛТА.

Кіраўнік дзяржавы лічыць сімвалічным той факт, што новы мост цераз Прыпяць адкрыўся напярэдадні Дня Кастрычніцкай рэвалюцыі. "Галоўны ўрок, які мы павінны атрымаць з гісторыі 1917 года, - гэта мір, мір і яшчэ раз мір. Павінен быць мір для таго, каб людзі маглі нармальна жыць", - перакананы беларускі лідар.

"Другі ўрок вынікае з прычын, якія спарадзілі Кастрычніцкую рэвалюцыю. Гэта правы чалавека, пра якія мы вельмі шмат гаворым, - прадоўжыў Аляксандр Лукашэнка. - Літаральна некалькі гадзін таму я сустракаўся з амерыканцамі, і ў нас зайшла дыскусія па тэме Кастрычніцкай рэвалюцыі (як вы разумееце, яны зусім інакш успрымаюць усё), мы вельмі доўга дэбатавалі аб правах чалавека, і вось я ім прывёў прыклад падзей таго часу - вось дзе былі парушаны правы чалавека. Людзі ішлі незразумела на якую вайну і гінулі. Права чалавека на жыццё было разбурана, а таксама права на працу - людзі не мелі работы, кавалка хлеба. Як яны маглі жыць і карміць свае сем'і?"

"Таму Кастрычніцкая рэвалюцыя - гэта свята міру і правоў чалавека", - сказаў Аляксандр Лукашэнка. Ён адзначыў, што Кастрычніцкая рэвалюцыя - гэта не пераварот, як цяпер у Расіі некаторыя кажуць. "Можна назваць пераваротам, але гэта не той пераварот, які яны хацелі б бачыць тады ў нашай дзяржаве. Ім усё трэба перакрэсліць і перапісаць. Вось таму мы ў свой час, напэўна, мудра зрабілі, пакінуўшы гэта свята ў нашай гісторыі, і не кідаем у яе камяні. Вы помніце, што мы не ўсё ведаем, а адсюль і не ўсё разумеем, што там адбывалася", - заўважыў Прэзідэнт. Кіраўнік дзяржавы ў прыклад прывёў Кітай і народ гэтай краіны, які не забывае таго, што было ў іх гісторыі.

"Беражыце мір, людзей і сапраўдныя правы на жыццё, на працу, на адукацыю, на ахову здароўя, на выхаванне дзяцей", - рэзюмаваў Прэзідэнт.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.