Сцяг Пятніца, 29 сакавіка 2024
Усе навіны
Усе навіны
Прэзідэнт
06 студзеня 2023, 14:58

"Лепшыя за натаўскія!" Беларусь перадала расійскім ваенным буйную партыю індывідуальных аптэчак

6 студзеня, Баранавічы /Кар. БЕЛТА/. Беларусь перадала расійскім ваенным буйную партыю індывідуальных аптэчак. Аб гэтым расказаў журналістам дзяржаўны сакратар Савета бяспекі Аляксандр Вальфовіч, перадае карэспандэнт БЕЛТА.

Прэзідэнт Беларусі Аляксандр Лукашэнка 6 студзеня наведаў Абуз-Лясноўскі палігон. Тут размешчана расійская частка сумеснай рэгіянальнай групоўкі войскаў. На палігоне Прэзідэнт заслухаў даклад аб завяршэнні баявога зладжвання яе часцей і злучэнняў.

"Прэзідэнт пагутарыў з ваеннаслужачымі Расійскай Федэрацыі, павіншаваў іх з каляднымі святамі. Ім былі ўручаны індывідуальныя медыцынскія аптэчкі, якія распрацаваны выключна на беларускіх прадпрыемствах і ўкамплектаваны беларускім складнікам", - сказаў Аляксандр Вальфовіч.

На палігоне Прэзідэнт адзначыў, што ў Беларусі дасканала вывучылі розныя варыянты індывідуальных медыцынскіх аптэчак: натаўскія, польскія, украінскія, расійскія. Аказалася, што аптэчкі заходняга ўзору больш практычныя. Таму медыкам і ваенным было даручана зрабіць якасную беларускую аптэчку. Адпаведная задача была пастаўлена ім Прэзідэнтам на гэтым жа палігоне, але ў кастрычніку 2022 года, калі ён азнаёміўся з айчыннымі распрацоўкамі ваенна-прамысловага комплексу.

"І вось яны за пару месяцаў зрабілі аптэчку, якая лепшая за натаўскую. У баі гэта жыццё чалавека. Трэба, каб у хлопцаў было пад рукой неабходнае. Далей удасканальваемся", - сказаў Аляксандр Лукашэнка.-0-

Падпісвайцеся на нас у
Twitter
Топ-навіны
Свежыя навіны Беларусі