27 сакавіка, Мінск /Кар. БЕЛТА/. Намеснік старшыні савета Федэральнай нацыянальна-культурнай аўтаноміі беларусаў Расіі, старшыня Рэгіянальнай нацыянальна-культурнай аўтаноміі "Беларусы Масквы" Ала Тужылкіна ўзнагароджана медалём Францыска Скарыны. Адпаведны ўказ падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе кіраўніка дзяржавы.
"Гэтай дзяржаўнай узнагароды Ала Тужылкіна ўдастоена за значны асабісты ўклад у развіццё і ўмацаванне беларуска-расійскіх культурных сувязей, папулярызацыю беларускай культурнай спадчыны ў Расіі", - адзначылі ў прэс-службе.-0-