21 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка расказаў, як прымалася рашэнне аб кандыдатуры новага рэктара Гродзенскага дзяржаўнага медыцынскага ўніверсітэта і што ён быў спачатку супраць узгаднення на гэту пасаду Ігара Жука, перадае карэспандэнт БЕЛТА.
"Што датычыцца ўніверсітэта. Першы момант - я быў катэгарычна супраць. Кажу: ну куды чалавека зрываць з работы?! Тым больш добра атрымліваецца. Па рэферэндуме бачу. Дзякуй, падключыліся вельмі актыўна. Кажу: не трэба чапаць чалавека", - адзначыў беларускі лідар.
Аднак потым, калі былі разгледжаны іншыя кандыдатуры, усё ж такі прыярытэтнай стала менавіта кандыдатура Ігара Жука. "Чалавека, які ўжо ў дзяржаве засвяціўся і паказаў сваю работу на розных пасадах. Таму я вымушаны быў згадзіцца. І ўлічваючы галоўны фактар, што згуляў на вашу карысць, - да вас з вялікай павагай ставяцца ў гэтым універсітэце. Тым больш вопыту ў вас і ведаў дабавілася. Дай бог кожнаму рэктару той шлях прайсці, як вы. Я падумаў, што цалкам нармальна", - расказаў Прэзідэнт.
"Ну а трэба будзе зноў жа папрацаваць у савеце, які вы ўзначальваеце (Ігар Жук з'яўляецца старшынёй Гродзенскага абласнога Савета дэпутатаў. - Заўвага БЕЛТА), дык вы ж побач. Я і Караніка (губернатар Гродзенскай вобласці. - Заўвага БЕЛТА), і памочніка свайго папярэдзіў. Ды і кіраўнік Адміністрацыі аб гэтым ведае", - сказаў Аляксандр Лукашэнка.-0-
