Навіны сюжэта
"Выбары Прэзідэнта Рэспублікі Беларусь"
30 студзеня, Мінск /Кар. БЕЛТА/. У адрас Прэзідэнта Беларусі Аляксандра Лукашэнкі з нагоды перамогі на выбарах паступілі віншаванні ад Караля Бахрэйна шэйха Хамада бен Ісы аль-Халіфы і наследнага прынца, прэм'ер-міністра гэтай краіны Сальмана бен Хамада аль-Халіфы. Аб гэтым БЕЛТА паведамілі ў прэс-службе беларускага лідара.
Хамад бен Іса аль-Халіфа пацвердзіў Аляксандру Лукашэнку глыбокую ўдзячнасць за двухбаковыя адносіны паміж Каралеўствам Бахрэйн і дружалюбнай Рэспублікай Беларусь.
"Мы будзем рады сумеснай рабоце з Вашым Правасхадзіцельствам па ўмацаванні адносін ва ўсіх галінах на карысць і ў інтарэсах нашых дружалюбных краін і народаў. Жадаем Вам моцнага здароўя, шчасця і поспехаў у выкананні Вашых прэзідэнцкіх абавязкаў па кіраўніцтве рэспублікай на наступным этапе для дасягнення амбіцый і імкненняў Вашага дружалюбнага народа да далейшага прагрэсу, працвітання і развіцця", - гаворыцца ў віншаванні ад Караля Бахрэйна.
У сваю чаргу Сальман бен Хамад аль-Халіфа таксама пажадаў Аляксандру Лукашэнку моцнага здароўя, шчасця і поспехаў у выкананні абавязкаў на карысць дружалюбнага народа Беларусі: "Карыстаючыся выпадкам, я рады адзначыць супрацоўніцтва паміж нашымі дзвюма дружалюбнымі краінамі ў розных галінах і наша імкненне прадаўжаць работу па умацаванні адносін паміж Каралеўствам Бахрэйн і дружалюбнай Рэспублікай Беларусь на карысць агульным інтарэсам, з пажаданнем народу Беларусі далейшага прагрэсу і працвітання".-0-
Падпісвайцеся на нас у
