ДЗЯРЖОРГАНЫДЗЯРЖОРГАНЫ
Флаг Субота, 4 снежня 2021
Мінск Суцэльная воблачнасць -1°C
Усе навіны
Усе навіны
Прэзідэнт
26 жніўня 2021, 12:06

Канцэрн "Белдзяржхарчпрам" могуць пераўтварыць у дзяржкарпарацыю. Гэта абмяркоўваюць на сустрэчы ў Лукашэнкі

26 жніўня, Мінск /Кар. БЕЛТА/. Канцэрн "Белдзяржхарчпрам" могуць пераўтварыць у дзяржкарпарацыю. Аб адпаведнай прапанове Прэзідэнт Беларусі Аляксандр Лукашэнка запатрабаваў далажыць сёння на сустрэчы са старшынёй канцэрна "Белдзяржхарчпрам" Анатолем Бубенам і намеснікам прэм'ер-міністра Аляксандрам Субоціным, перадае карэспандэнт БЕЛТА.

"Ва ўрадзе намеціўся такі крэн па стварэнні дзяржаўных карпарацый. Чым яна, гэта дзяржаўная карпарацыя, будзе адрознівацца ад цяперашняга канцэрна? Канцэрн - гэта таксама дзяржаўнае аб'яднанне, - пацікавіўся кіраўнік дзяржавы. - Карпарацыя так карпарацыя. Ніхто не супраць. Зразумела, што ад пачатку да канца ўвесь ланцужок сканцэнтраваны па вытворчасці ў адных руках. І продажы ў тым ліку. І прыбытак вы дзеліце. І гэтак далей. Але мяне цікавіць: гэта карпарацыя як ідэя або практыка ўжо кладзецца на вашу "грэшную" "Белдзяржхарчпрамаўскую" зямлю?"

Аляксандр Лукашэнка спытаў, што плануецца ў выніку атрымаць ад такога кроку. "Таму што рэформа дзеля рэформы нікому не патрэбна. Яна павінна быць эфектыўнай і прыносіць патрэбны, шуканы намі вынік. Перш за ўсё грашовы. Павінен прыбытак павялічвацца, рэнтабельнасць, эфектыўнасць функцыянавання гэтага аб'яднання", - падкрэсліў беларускі лідар.

На гэты час канцэрн "Белдзяржхарчпрам" курыруе больш за 25 класаў эканамічнай дзейнасці, асноўнымі з якіх з'яўляюцца вытворчасць цукру, кандытарскіх вырабаў, плодаагароднінных кансерваў для дзіцячага харчавання, раслінных алеяў і тлушчаў, алкагольных напіткаў і піва, соладу, тытунёвых вырабаў і солі. У сістэме канцэрна знаходзіцца больш за 40 арганізацый з агульнай колькасцю работнікаў амаль 20 тыс. чалавек.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі