ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Воблачна з праясненнямі +19°C
Усе навіны
Усе навіны
Прэзідэнт
04 мая 2020, 14:33

"Як скажаце, так і будзе" - Лукашэнка гатовы правесці саміт ЕАЭС у любым фармаце, але сам за вочную сустрэчу

Аляксандр Лукашэнка
Аляксандр Лукашэнка

4 мая, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка гатовы арганізаваць саміт ЕАЭС, які плануецца на 19 мая ў Мінску, у любым фармаце, але сам асабіста лічыць магчымай вочную сустрэчу. Аб гэтым ён заявіў сёння ў час перагавораў у фармаце відэаканферэнцыі з Прэзідэнтам Малдовы Ігарам Дадонам, перадае карэспандэнт БЕЛТА.

"Што датычыцца ЕАЭС, я сёння размаўляў з Прэзідэнтам Казахстана Такаевым. Яны цяпер кансультуюцца з Прэзідэнтам Расіі. Вам магу сказаць і яму сказаў: я ваш слуга, як вы скажаце, так і будзе. Я арганізую мерапрыемства. Гатовы 19 мая прыняць усіх вас. Абяцаю поўную бяспеку. Упэўнены, што вы з задавальненнем, пабываўшы тут, у добрым настроі пакінеце Мінск, калі, вядома, гэта дазволіць вам абстаноўка (прыехаць на саміт у Мінск. - Заўвага БЕЛТА)", - заявіў кіраўнік дзяржавы.

Паводле слоў Аляксандра Лукашэнкі, ён не вельмі ўспрымае фармат відэаканферэнцый. "З нас ужо людзі пачынаюць смяяцца. Калі мы хочам сур'ёзна абмеркаваць пытанні, можна сабрацца тут і абмеркаваць сам-насам. Няхай мы не будзем вялікую колькасць чыноўнікаў за сабой цягнуць, няхай там будуць адна-дзве камеры, нашы асабістыя аператары, фатографы, якія змогуць зняць гэту падзею, але мы сустрэліся б і пагаварылі тут", - лічыць Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі