12 лістапада, Мінск /Кар. БЕЛТА/. Ігар Фісенка вызвалены ад пасады Надзвычайнага і Паўнамоцнага Пасла Беларусі ў Францыі і па сумяшчальніцтве ў Манака і Партугаліі. Адпаведны ўказ нумар 438 Прэзідэнт Беларусі Аляксандр Лукашэнка падпісаў 12 лістапада, паведамілі БЕЛТА ў прэс-службе кіраўніка дзяржавы.
Пры гэтым указам устаноўлена, што Ігар Фісенка захоўвае свае паўнамоцтвы ў якасці пастаяннага прадстаўніка Беларусі пры ЮНЕСКА.-0-