9 мая, Мінск /Кар. БЕЛТА/. Прэзідэнт Беларусі Аляксандр Лукашэнка на цырымоніі ўскладання вянкоў да манумента Перамогі з нагоды 77-й гадавіны Вялікай Перамогі выказаўся аб польскай агароджы ў Белавежскай пушчы, перадае карэспандэнт БЕЛТА.
"І дзе ж вы, абаронцы прыроды? Што ж вы заглухлі? Чаму вы не едзеце туды ратаваць жывёл, якія стагоддзямі жылі і не бачылі граніц? Дзе вы? Вы крывадушныя нягоднікі, - падкрэсліў кіраўнік дзяржавы. - Вы баіцеся. Вы баіцеся пусціць туды людзей, таму што яны ўбачаць дзясяткі, а можа, сотні магіл загінулых людзей, якія ішлі да вас на ваш покліч зусім нядаўна праз нашу граніцу. Вы іх хапалі, забівалі і закопвалі на тым месцы ў лесе".
Прэзідэнт падкрэсліў, што свет, дзе паважаюць інтарэсы ўсіх і кожнага, больш надзейны за імгненныя рашэнні аб уступленні ў НАТА або аб будаўніцтве пасярод Еўропы агароджы цераз тысячагадовы лес Белавежскай пушчы. "Задумайцеся. Беларусь прапануе вам стварыць такі свет разам, па-суседску. Але для гэтага вы павінны перастаць як мінімум вучыць нас жыццю. Добра паразважайце над гэтым. Падумайце, як вам звярнуць увагу сваіх кіраўнікоў на сапраўды важныя для будучыні планеты пытанні", - звярнуўся Аляксандр Лукашэнка да жыхароў заходніх краін.-0-
