18 кастрычніка, Мінск /Кар. БЕЛТА/. У Палацы Незалежнасці 19 кастрычніка адбудзецца вялікая нарада па сітуацыі з COVID-19 у Беларусі. Гэта мерапрыемства стане пачаткам анансаванага раней кіраўніком дзяржавы адпаведнага тэматычнага тыдня, паведамляе БЕЛТА.
Наперадзе падрабязны аналіз абстаноўкі ў кожным з рэгіёнаў. "Па відэасувязі даложаць губернатары, у абласныя студыі запросяць і ўсіх адказных па галіне. І, вядома, агульная ацэнка абстаноўкі ад Міністэрства аховы здароўя - у Мінску ў зале нарад збяруць галіновае кіраўніцтва, упаўнаважаных па рэгіёнах, спецыялістаў і экспертаў ад медыцыны", - інфармуюць аўтары Telegram-канала "Пул Першага".-0-
