Фота з архіва
16 мая, Мінск /Кар. БЕЛТА/. Губернатар Уладзімірскай вобласці Расіі Аляксандр Аўдзееў падарыў Прэзідэнту Беларусі Аляксандру Лукашэнку жарабя. Аб гэтым піша Telegram-канал "Пул Першага", паведамляе БЕЛТА.
"У Першага з'явіўся... Уладзімірскі цяжкавоз! Пул даведаўся пра эксклюзіўны падарунак Аляксандру Лукашэнку ад губернатара Аляксандра Аўдзеева. І атрымаў эксклюзіўныя кадры. Дарэчы, Уладзімірскі цяжкавоз - парода рэдкая, асаблівая масць, малалікая. Уладзімірцы ёю вельмі ганарацца. Цяпер і Беларусь прыме ўдзел у падтрыманні і захаванні пароды", - інфармуе рэсурс.
Жарабя ўжо абжываецца ў гаспадарцы Прэзідэнта. "Учора пазнаёміліся", - удакладняюць аўтары.-0-
