ДЗЯРЖОРГАНЫДЗЯРЖОРГАНЫ
Флаг Субота, 22 студзеня 2022
Мінск -5°C
Усе навіны
Усе навіны
Прэзідэнт
06 снежня 2021, 14:49

"Грамадства моцна змянілася". Лукашэнка расказаў аб праведзеным у Беларусі сацдаследаванні

Фота з архіва
Фота з архіва

6 снежня, Мінск /Кар. БЕЛТА/. Беларускае грамадства, як паказваюць вынікі праведзенага ў краіне сацыялагічнага даследавання, моцна змянілася. Аб гэтым Прэзідэнт Беларусі Аляксандр Лукашэнка заявіў сёння, узгадняючы назначэнне кіраўнікоў мясцовых органаў улады, перадае карэспандэнт БЕЛТА.

"Будзьце акуратныя ў падборы людзей, сваёй каманды ў тыя структуры ўлады, якімі вам давядзецца кіраваць. Не трэба пачынаць паляванне на ведзьмаў, не трэба ва ўсіх бачыць ворагаў. Паколькі вельмі шмат было аблудных. У бліжэйшы час мы апублікуем маштабнае сацыялагічнае даследаванне. Мы бралі розныя працоўныя калектывы, і людзі адказвалі закрыта на многія пытанні. Грамадства, паводле маёй першаснай інфармацыі, моцна змянілася пасля мінулага года", - падкрэсліў Аляксандр Лукашэнка.

Кіраўнік дзяржавы адзначыў, што многія беларусы ўбачылі, чаго на самай справе каштавалі людзі, якія імкнуліся ва ўладу, і якія ў іх былі планы. "Проста кожны дзень вам і многім іншым дае падставу гаварыць аб тым, што мы дапусцілі б найвялікшую памылку, калі б пацярпелі паражэнне ў мінулым годзе. Краіны проста не існавала б", - звярнуў увагу Прэзідэнт.

У той жа час, падкрэсліў Аляксандр Лукашэнка, здраднікаў ва ўладзе быць не павінна. Ён упэўнены, што звычайныя беларусы наўрад ці здолеюць адказаць на пытанне, чаго хоча апазіцыя. "А мы ж гаварылі, помніце: разрыў саюза з Расіяй, запрашэнне сюды НАТА, перафармаціраваць царкву, забараніць рускую мову і гэтак далей. Яны гэта хаваюць цяпер: гэта ім нявыгадна. Як паказваюць сацыялагічныя даследаванні, якія мы цяпер атрымалі, людзі падтрымліваюць той курс, які мы сёння праводзім", - заявіў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі