31 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 31 снежня ў час наведвання Мінскай абласной дзіцячай клінічнай бальніцы заявіў, што настаў час вызначыцца са статусам Бараўлян, паведамляе БЕЛТА.
"Нам трэба прымаць рашэнне па Бараўлянах. Гэта ўжо горад. Трэба думаць, што нам тут зрабіць: гэта будзе горад, вёска, гарадскі пасёлак ці нешта іншае? І ў наступным годзе ўнясіце прапановы, мы павінны прыняць гэта рашэнне, таму што жыхары гэтага месца ўжо шмат разоў ставілі пытанне: нехта хоча горад, нехта хоча вёску. Мы павінны вызначыцца і прыняць адпаведнае рашэнне", - сказаў Аляксандр Лукашэнка.
Аб тым, што Бараўляны трэба вылучаць з Мінскага раёна і рабіць горадам Прэзідэнт заяўляў яшчэ некалькі гадоў таму. У 2021 годзе ў час сустрэчы з работнікамі абласной бальніцы кіраўнік дзяржавы адзначыў, што насельніцтва Бараўлян параўнальна ўжо з буйнымі раёнамі ў краіне.
"Рэдкі раён. Гэта ўжо буйныя гарады. Таму трэба статус яму надаваць адпаведны. Як толькі парадак наведзяце, тады я прыму адпаведнае рашэнне. Нядрэнны гэты гарадок у вас, малайцы. Але ёсць над чым працаваць", - так тады сказаў беларускі лідар.-0-
Падпісвайцеся на нас у
