Сцяг Субота, 20 ліпеня 2024
Усе навіны
Усе навіны
Прэзідэнт
23 лютага 2023, 17:42

"Гэта будзе зусім іншая вайна". Лукашэнка перасцерагае ад агрэсіі ў адносінах да Беларусі

23 лютага, Мінск /Кар. БЕЛТА/. У выпадку агрэсіі ў адносінах да Беларусі з тэрыторыі Украіны вайна набудзе зусім іншы характар. Аб гэтым Прэзідэнт Беларусі Аляксандр Лукашэнка заявіў у інтэрв'ю кітайскім СМІ, перадае карэспандэнт БЕЛТА.

"Мы не хочам ніякай вайны. Тым больш украінцы, людзі, народ украінскі - гэта не чужыя нам людзі. Гэта родныя нам людзі. Нават мае продкі недзе там ва Украіне нарадзіліся паміж Чарнігавам і Кіевам. Гэта ўжо з асабістага. Таму мы абсалютна не збіраемся нападаць на Украіну. Але не дай бог з тэрыторыі Украіны будзе ўчынена агрэсія ў адносінах да беларускай дзяржавы - мы вымушаны будзем адказваць. І я ўпэўнены, што тут мы падтрымку атрымаем усёй сусветнай супольнасці, у тым ліку і Кітайскай Народнай Рэспублікі, - падкрэсліў беларускі лідар. - Калі супраць нас будзе ўчынена агрэсія. Мы гэта даводзім па розных каналах да Украіны, у тым ліку і да Захаду. Я іх папярэдзіў: што не дай бог будзе развязана агрэсія з тэрыторыі Украіны на тэрыторыю Беларусі - мы адкажам, але гэта будзе зусім іншая вайна. Яна набудзе імгненна іншы характар. І тут мы будзем супраціўляцца і адстойваць нашу зямлю і змагацца з агрэсарам у тым ліку войскамі Расійскай Федэрацыі. Разам".

"Пакуль, як апошнія дні паказалі, ні з тэрыторыі Польшчы, ні з тэрыторыі Літвы, тым больш Украіны канцэнтрацыі войскаў для таго, каб уцягнуць нас у вайну, мы не заўважаем. Мы гэта станоўча ацэньваем", - заявіў Аляксандр Лукашэнка.-Э-

Падпісвайцеся на нас у
Twitter
Топ-навіны
Свежыя навіны Беларусі