26 студзеня, Мінск /Кар. БЕЛТА/. Васіль Герасімаў назначаны старшынёй Камітэта дзяржаўнага кантролю. Адпаведнае кадравае рашэнне сёння прыняў Прэзідэнт Беларусі Аляксандр Лукашэнка, перадае карэспандэнт БЕЛТА.
З верасня 2020 года Васіль Герасімаў выконваў абавязкі кіраўніка камітэта. Да гэтага з'яўляўся першым намеснікам старшыні КДК.
Герасімаў Васіль Мікалаевіч нарадзіўся ў 1975 годзе ў Мінску.
У 1997 годзе скончыў Беларускі дзяржаўны ўніверсітэт, у 2014 годзе - Акадэмію кіравання пры Прэзідэнце Рэспублікі Беларусь.
У 1997 годзе пачаў працоўную дзейнасць на пасадзе галоўнага спецыяліста аддзела заканадаўства ўпраўлення заканадаўства і міжнародных адносін Вышэйшага гаспадарчага суда Рэспублікі Беларусь, у 1999 годзе назначаны начальнікам гэтага аддзела, у 2000 годзе - начальнікам упраўлення забеспячэння нагляду і абагульнення судовай практыкі Вышэйшага гаспадарчага суда Рэспублікі Беларусь.
У 2003-2012 гадах працаваў начальнікам галоўнага экспертна-прававога ўпраўлення Камітэта дзяржаўнага кантролю, у 2012-2016 гадах - старшынёй Камітэта дзяржаўнага кантролю Гродзенскай вобласці.
У 2016 годзе назначаны памочнікам Прэзідэнта Беларусі - галоўным інспектарам па Брэсцкай вобласці, у 2017 годзе - памочнікам Прэзідэнта Беларусі - інспектарам па Брэсцкай вобласці.
З верасня 2018 года займаў пасаду намесніка старшыні Камітэта дзяржаўнага кантролю. З чэрвеня 2019 года - першы намеснік старшыні. 3 верасня 2020 года назначаны выконваючым абавязкі старшыні КДК.
Узнагароджаны медалём "За працоўныя заслугі" і ордэнам Пашаны.-0-