ДЗЯРЖОРГАНЫДЗЯРЖОРГАНЫ
Флаг Нядзеля, 19 верасня 2021
Мінск Пераменная воблачнасць +6°C
Усе навіны
Усе навіны
Прэзідэнт
11 сакавіка 2021, 13:20

Гара назначаны старшынёй Следчага камітэта Беларусі

Дзмітрый Гара
Дзмітрый Гара

11 сакавіка, Мінск /Кар. БЕЛТА/. Дзмітрый Гара назначаны старшынёй Следчага камітэта Беларусі. Адпаведнае кадравае рашэнне прыняў сёння Прэзідэнт Беларусі Аляксандр Лукашэнка, перадае карэспандэнт БЕЛТА.

Дзмітрый Гара да гэтага часу працаваў на пасадзе намесніка генеральнага пракурора.

Дзмітрый Юр'евіч Гара нарадзіўся ў 1970 годзе ў Тбілісі (Грузія). У 1993 годзе скончыў Ваенны Чырванасцяжны інстытут у Маскве па спецыяльнасці "правазнаўства", у 2018-м - Акадэмію кіравання пры Прэзідэнце Беларусі па спецыяльнасці "дзяржаўнае кіраванне і эканоміка".

З верасня 1993-га па красавік 2008 года служыў на пасадах следчага, старшага следчага, следчага па асабліва важных справах следчага аддзела ўпраўлення КДБ. Потым быў назначаны начальнікам следчага аддзела. Займаў гэту пасаду да ліпеня 2008 года.

Жнівень 2008-га - лістапад 2009-га - начальнік трэцяга ўпраўлення Аператыўна-аналітычнага цэнтра пры Прэзідэнце Беларусі.

З лістапада 2009-га па снежань 2019 года - начальнік следчага ўпраўлення КДБ.

Са снежня 2019 года займаў пасаду намесніка генеральнага пракурора.

Узнагароджаны медалямі "За бездакорную службу" ІІІ, ІІ і І ступеней, "За адзнаку ў воінскай службе", ордэнам "За службу Радзіме" ІІІ ступені.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі