ДЗЯРЖОРГАНЫДЗЯРЖОРГАНЫ
Флаг Серада, 8 снежня 2021
Мінск Малавоблачна -13°C
Усе навіны
Усе навіны
Прэзідэнт
25 лістапада 2021, 15:00

"Еўрапейцы няхай заплацяць". Лукашэнка пракаменціраваў сітуацыю з адменай эвакуацыйнага рэйса з Ірака

25 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка сёння пракаменціраваў сітуацыю з адменай эвакуацыйнага рэйса з Ірака. Адпаведныя заявы прагучалі на мерапрыемстве ў Палацы Незалежнасці, дзе абмяркоўваліся змяненні ў Канстытуцыю, перадае карэспандэнт БЕЛТА.

"Хочуць паехаць - калі ласка. Мы іх (бежанцаў. - Заўвага БЕЛТА) збіраем у аэрапорце. Чагосьці самалёт сёння не прыслалі?" - заўважыў кіраўнік дзяржавы.

Было адзначана, што пытанне звязана з аплатай расходаў на ажыццяўленне рэйса. "Дык няхай еўрапейцы заплацяць. Таксама нягоднікі: "Выдзелілі мы грошы: і мільёны, і тысячы... Ніводнай капейкі сюды не паступіла грошай. Чырвоны Крыж там і іншыя. Пакуль кормім і поім мы гэтых людзей, не за іх (бежанцаў. - Заўвага БЕЛТА) кошт. Гэта ім вельмі важна", - сказаў Аляксандр Лукашэнка.

"Што там гэты рэйс каштуе?! І няма каму аплаціць. Няхай Еўрасаюз аплаціць", - дадаў беларускі лідар.

Як паведамлялася БЕЛТА са спасылкай на дзяржаўнага сакратара Савета бяспекі Аляксандра Вальфовіча, амаль 200 бежанцаў чакаюць у Нацыянальным аэрапорце вылету ў Ірак. "На жаль, сёння з боку Еўрасаюза ніякіх мер не прымаецца. Паводле нашай інфармацыі, сёння павінен быў быць эвакуацыйны рэйс з Ірака для вяртання гэтых бежанцаў, якія пажадалі вярнуцца дадому. Не ўсе з іх жадаюць вярнуцца ў Ірак, таму што зноў літаральна некалькі дзён таму паступіла інфармацыя, што развязалі ваенныя дзеянні на тэрыторыі Курдыстана. Ідзе вайна ў прамым сэнсе слова. Вядома, жанчыны з дзецьмі ў дзяржаву, у якой ваююць, вяртацца не хочуць. Але некаторыя жадаюць вярнуцца. Аднак рэйс па нейкіх прычынах сёння не адбыўся, не прыбыў у Беларусь. Каля 200 мігрантаў знаходзяцца ў аэрапорце ў чаканні гэтага рэйса", - сказаў Аляксандр Вальфовіч.

Паводле яго слоў, ЕС пакуль бяздзейнічае ў гэтай сітуацыі.

Сітуацыю пракаменціраваў і прэс-сакратар МЗС Анатоль Глаз. Паводле яго слоў, бежанцам, якія жадаюць вярнуцца дадому, перашкод няма. Наадварот, аказваецца садзейнічанне, у тым ліку ў афармленні дакументаў. "Бачыў у навінах, што рэйс адменены з-за праблем з плацяжамі ад нашых еўрапейскіх партнёраў. Пакуль ніякіх плацяжоў мы ад іх не атрымалі ні па адным з узгодненых напрамкаў. Пакуль толькі дэкларацыі аб намерах", - расказаў Анатоль Глаз.

З першых дзён актыўна вядзецца ўзаемадзеянне з профільнымі арганізацыямі сістэмы ААН. Але пакуль, паводле слоў Анатоля Глаза, прыязджаюць на граніцу часцей за ўсё сакратарыяты, якія не могуць прымаць кіраўніцкія рашэнні і абмежаваны ў магчымасцях. "Хоць нам хацелася б большага ўдзелу і ўключанасці", - падкрэсліў Анатоль Глаз.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі