29 снежня, Мінск /Кар. БЕЛТА/. Прэзідэнт Беларусі Аляксандр Лукашэнка не мог не паехаць на граніцу да бежанцаў. Аб гэтым прэс-сакратар кіраўніка дзяржавы Наталля Эйсмант расказала ў эфіры праекта "Паспець да паўночы" на тэлеканале "Беларусь 1", паведамляе БЕЛТА.
Расказваючы аб прыездзе кіраўніка дзяржавы ў лістападзе ў ТЛЦ, дзе размясціўся лагер бежанцаў на беларуска-польскай граніцы, прэс-сакратар згадала пра фатаграфію, якой апаненты спрабавалі ўкалоць: "Яны зрабілі калаж. Там дзяячка адна выступае з нейкіх трыбун, і кіраўнік дзяржавы стаіць на паддонах (у час размовы з бежанцамі ў ТЛЦ. - Заўвага БЕЛТА). Вось мне адразу было вельмі цікава: няўжо яны думаюць, што гэты калаж ім на карысць?"
Наталля Эйсмант адзначыла, што ўсе цудоўна разумелі, калі ўтварыўся стыхійны лагер, і калі там абвастрылася сітуацыя, што Прэзідэнт не зможа не паехаць туды. "Думалі аб тым, у які момант гэта будзе. І, вядома, момант быў выбраны вельмі дакладна. Ён быў дастаткова пераломным. Гэтым людзям вельмі патрэбна была гэта размова. Гэта было відавочна. З усіх пазіцый ім трэба было пачуць тое, што ім сказаў Прэзідэнт", - падкрэсліла прэс-сакратар.-0-