Сцяг Чацвер, 28 сакавіка 2024
Усе навіны
Усе навіны
Прэзідэнт
16 мая 2018, 14:13

Два фруктовыя сады імя Эмамалі Рахмона закладуць у Беларусі

16 мая, Гісар /Уладзімір Мацвееў - БЕЛТА/. Два фруктовыя сады імя Прэзідэнта Таджыкістана Эмамалі Рахмона закладуць у Брэсцкай і Гомельскай абласцях. Адпаведнае даручэнне даў сёння кіраўнік беларускай дзяржавы Аляксандр Лукашэнка ў час афіцыйнага візіту ў Таджыкістан, перадае карэспандэнт БЕЛТА.

Аляксандр Лукашэнка адзначыў, што па шляху на зборачную вытворчасць беларускай сельгастэхнікі ў Гісары абмяркоўваў гэту тэму ў Эмамалі Рахмонам. У Таджыкістане таксама бываюць суровыя маразы ў зімовы перыяд, але мясцовыя сады выжываюць. "Няўжо ў Гомельскай і Брэсцкай абласцях мы не зможам, раянаваўшы, вырошчваць гэтыя культуры (якія растуць у Таджыкістане. - Заўвага БЕЛТА). Я адчуваю, што ў нас гэтыя сарты будуць расці", - адзначыў Прэзідэнт.

Ён даў даручэнне закласці па садзе ў кожнай з названых абласцей і выдзеліць пад іх дастатковую колькасць зямлі. "Трэба паспрабаваць. Клімат мяняецца. Мы кавуны вырошчваем у цэнтральнай Беларусі", - сказаў Аляксандр Лукашэнка.

Эмамалі Рахмон таксама даручыў арганізаваць адпаведную работу разам з беларускімі спецыялістамі і паабяцаў садзейнічанне, у тым ліку ў плане падрыхтоўкі неабходнай колькасці саджанцаў.

Пасол Беларусі ў Таджыкістане Алег Іваноў расказаў, што чарэшневы сад беларуска-таджыкскай дружбы з'явіцца і ў Таджыкістане. Пад яго ўжо адведзена месца і заказаны саджанцы.-0-

Падпісвайцеся на нас у
Twitter
Топ-навіны
Свежыя навіны Беларусі