Сцяг Аўторак, 19 сакавіка 2024
Усе навіны
Усе навіны
Прэзідэнт
07 кастрычніка 2022, 09:01

"Даражу адкрытымі і давернымі адносінамі". Лукашэнка павіншаваў Пуціна з юбілеем

7 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Расіі Уладзіміра Пуціна з 70-годдзем. Аб гэтым БЕЛТА паведамілі ў прэс-службе беларускага лідара.

"Прыміце самыя сардэчныя віншаванні з юбілеем. З'яўляючыся сапраўдным лідарам вялікай дзяржавы, вы прымаеце вывераныя і няпростыя рашэнні ў мэтах забеспячэння незалежнага развіцця Расійскай Федэрацыі, абароны традыцый і каштоўнасцей расійскага народа", - адзначыў Аляксандр Лукашэнка.

Кіраўнік дзяржавы падкрэсліў, што вельмі даражыць адкрытымі і давернымі адносінамі з Прэзідэнтам Расіі, а таксама раўнапраўным і плённым дыялогам, які служыць умацаванню саюзніцкіх беларуска-расійскіх сувязей.

"Апошнім часам гэта выразна праяўляецца ў паглыбленні інтэграцыі нашых краін. Упэўнены, што разам Мінск і Масква дастойна адкажуць на глабальныя выклікі і выйдуць на новы ўзровень стратэгічнага партнёрства. Ад усёй душы жадаю вам, паважаны Уладзімір Уладзіміравіч, добрага здароўя, стваральных здзяйсненняў на карысць расійскай дзяржавы і доўгіх гадоў жыцця ў акружэнні любячай сям'і і надзейных сяброў", - гаворыцца ў віншаванні.-0-

Падпісвайцеся на нас у
Twitter
Топ-навіны
Свежыя навіны Беларусі