29 верасня, Мінск /Кар. БЕЛТА/. Прэзідэнт Беларусі Аляксандр Лукашэнка напярэдадні імгненна атрымаў інфармацыю аб трагедыі, якая адбылася з супрацоўнікам КДБ, і даручыў аказаць усялякую падтрымку і дапамогу сям'і. Аб гэтым БЕЛТА паведаміла прэс-сакратар кіраўніка дзяржавы Наталля Эйсмант.
"Прэзідэнт учора імгненна атрымаў інфармацыю аб трагедыі, якая адбылася. Адразу даручыў разабрацца літаральна пасекундна - не ўсе дэталі былі вядомы. Спачатку было даручана аказаць усялякую падтрымку і дапамогу сям'і. І вядома, Прэзідэнт вельмі спачувае сям'і загінулага і суперажывае", - сказала Наталля Эйсмант.
На пытанне аб рэакцыі Прэзідэнта на здарэнне прэс-сакратар працытавала кіраўніка дзяржавы: "Беспакараным гэта не застанецца".-0-