6 снежня, Мінск /Кар. БЕЛТА/. Беларускія дыпламаты назначаны пасламі па сумяшчальніцтве ў чатырох краінах. Адпаведныя кадравыя рашэнні прыняў сёння Прэзідэнт Беларусі Аляксандр Лукашэнка, перадае карэспандэнт БЕЛТА.
Андрэй Молчан, пасол Беларусі ў Венесуэле, цяпер таксама будзе па сумяшчальніцтве прадстаўляць інтарэсы краіны ў Балівіі.
Пасол Беларусі ў Рэспубліцы Куба Валерый Бараноўскі назначаны паслом у Дамініканскай Рэспубліцы па сумяшчальніцтве.
У сферу адказнасці пасла Беларусі ў Бразіліі Сяргея Лукашэвіча дабавіліся адразу дзве дзяржавы. Ён назначаны паслом у Рэспубліцы Парагвай і Усходняй Рэспубліцы Уругвай па сумяшчальніцтве.-0-