Мабільная версія
ДЗЯРЖОРГАНЫ

Апошнія навіны
Усе навіны

Беларусі неабходны нармальныя адносіны з Еўрапейскім саюзам і ЗША - Лукашэнка

Прэзідэнт 22.06.2016 | 17:21

22 чэрвеня, Мінск /Уладзімір Мацвееў - БЕЛТА/. Беларусі неабходны нармальныя адносіны з Еўрапейскім саюзам і ЗША. Аб гэтым Прэзідэнт Беларусі Аляксандр Лукашэнка заявіў сёння на V Усебеларускім народным сходзе, перадае карэспандэнт БЕЛТА.

"Каб дынамічна развівацца, неабходны нармальныя адносіны з Еўрапейскім саюзам і ЗША. Апошнія гады адзначаны пацяпленнем нашых узаемаадносін. Адмова ад санкцыйнай палітыкі ў адносінах да Беларусі адкрывае новыя магчымасці ў развіцці ўзаемадзеяння. І было б грэх гэтым не скарыстацца, - заявіў Прэзідэнт. - Нам, па вялікім рахунку, трэба навёрстваць упушчанае і выйсці спачатку на той узровень адносін з ЕС і ЗША, які існуе ў нашых партнёраў па ЕАЭС і СНД".

"У супрацоўніцтве з Захадам нас цікавяць перш за ўсё інвестыцыі, трансфер тэхналогій, стварэнне перадавых сумесных вытворчасцей, удзел беларускіх кампаній у міжнародных вытворчых ланцужках і, вядома, пастаўкі нашай прадукцыі. Беларускія прадпрыемствы павінны пераняць усё тое лепшае, што дасць ім магчымасць заняць дастойнае месца сярод вядучых сусветных кампаній, якія спецыялізуюцца ў машынабудаванні, энергетыцы, фармацэўтыцы, тэлекамунікацыях і інфармацыйных тэхналогіях", - сказаў кіраўнік дзяржавы.

Ён адзначыў, што Еўрасаюз - другі па значнасці рынак дня беларускага экспарту, а таму канструктыўнае разнапланавае супрацоўніцтва з Еўрасаюзам адпавядае нацыянальным інтарэсам. "Ключавая задача на перспектыву - поўная нармалізацыя адносін і выхад на заключэнне базавага пагаднення паміж Беларуссю і Еўрапейскім саюзам", - дадаў Аляксандр Лукашэнка.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Маладзёжны чэмпіянат свету па хакеі ў Мінску Беларусь атрымала права прыняць маладзёжны (U-20) чэмпіянат свету ў першым дывізіёне на кангрэсе Міжнароднай федэрацыі хакея ў Браціславе.