24 лістапада, Ерэван /Кар. БЕЛТА/. Беларусь у час свайго старшынства ў Арганізацыі Дагавора аб калектыўнай бяспецы мае намер ініцыяваць "Стратэгічны дыялог АДКБ - КНР". Аб гэтым Прэзідэнт Беларусі Аляксандр Лукашэнка заявіў на пленарным пасяджэнні сесіі Савета калектыўнай бяспекі АДКБ у Ерэване, перадае карэспандэнт БЕЛТА.
Кіраўнік дзяржавы адзначыў, што ўмацаванню пазіцый АДКБ на міжнароднай арэне будзе садзейнічаць пашырэнне партнёрскіх сувязей з глабальнымі ігракамі, такімі як Кітай.
"У гэтых мэтах беларускае старшынства мае намер ініцыяваць "Стратэгічны дыялог АДКБ - КНР (можа, Індыя, яшчэ прапрацуем) шляхам арганізацыі ў Беларусі сустрэч прадстаўнікоў міністэрстваў замежных спраў, абароны, апаратаў саветаў бяспекі дзяржаў - членаў АДКБ і адпаведных дзяржаў, як Кітай, дапусцім", - сказаў Прэзідэнт.-0-
