15 студзеня, Мінск /Уладзімір Мацвееў - БЕЛТА/. Беларусь зацікаўлена ў пашырэнні кантактаў з Францыяй, перш за ўсё ў эканамічнай сферы. Аб гэтым сёння заявіў кіраўнік дзяржавы Аляксандр Лукашэнка, назначаючы Ігара Фісенку новым паслом у гэтай краіне, перадае карэспандэнт БЕЛТА.
"Не скажу, што там вельмі высокі ўзровень нашага супрацоўніцтва, але ўсё ж такі Латушка (папярэдні пасол Беларусі ў Францыі Павел Латушка. - Заўвага БЕЛТА) быў там прыкметны. Можа так сказаць. І ёсць нават канкрэтныя напрамкі ў эканоміцы. Нас цікавіць перш за ўсё эканоміка", - адзначыў Прэзідэнт.
Ён пацікавіўся, ці зможа дабавіць новы пасол па гэтым напрамку. У адказ на гэта міністр замежных спраў Уладзімір Макей ахарактарызаваў дыпламата як вельмі прафесійнага і стараннага чалавека, які мае вопыт работы за мяжой. У якасці прыкладу былі прыведзены паспяховыя вынікі папярэдняй работы Ігара Фісенкі на пасадзе начальніка галоўнага консульскага ўпраўлення МЗС. "Перакананы, што ён зможа далей развіць той пазітыўны пачатак, які закладзены Латушкам", - сказаў міністр.
Гаворачы аб гандлёва-эканамічным супрацоўніцтве з Францыяй, Уладзімір Макей адзначыў, што папярэдні пасол садзейнічаў устанаўленню кантактаў з шэрагам кампаній, якія дапамагаюць у пашырэнні беларускай тэхнікі на рынкі афрыканскіх краін, з якімі ў Францыі ёсць добрыя кантакты. Развіваюцца і іншыя формы эканамічнага ўзаемадзеяння, мае месца міжрэгіянальнае супрацоўніцтва, наладжана работа з дыяспарай.-0-
