ДЗЯРЖОРГАНЫДЗЯРЖОРГАНЫ
Флаг Нядзеля, 4 чэрвеня 2023
Мінск Суцэльная воблачнасць +17°C
Усе навіны
Усе навіны
Прэзідэнт
09 лютага 2023, 09:22

"Азнаменаваў нараджэнне беларускай нафтахіміі". Лукашэнка павіншаваў "Нафтан" з 60-годдзем

Фота з архіва
Фота з архіва

9 лютага, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў адкрытага акцыянернага таварыства "Нафтан" з 60-годдзем прадпрыемства. Аб гэтым БЕЛТА паведамілі ў прэс-службе беларускага лідара.

"Будаўніцтва нафтаперапрацоўчага завода, дзякуючы якому на карце з'явіўся горад Наваполацк, назаўсёды змяніла структуру народнай гаспадаркі Беларусі: рэспубліка пачала трансфармавацца ў магутны прамысловы рэгіён. А люты 1963 года, калі менавіта тут быў атрыманы першы айчынны бензін, азнаменаваў нараджэнне беларускай нафтахіміі", - гаворыцца ў віншаванні.

"Нафтан" і сёння з'яўляецца флагманам гэтай важнейшай для эканомікі галіны, заўважыў кіраўнік дзяржавы. "Поспех прадпрыемства - у нястомнай працы некалькіх пакаленняў неабыякавых і таленавітых прафесіяналаў, якія забяспечваюць краіну высакаякаснымі прадуктамі нафтаперапрацоўкі і павялічваюць экспартны патэнцыял краіны, - падкрэсліў беларускі лідар. - Упэўнены, што і ў далейшым, праводзячы паступальную мадэрнізацыю, павялічваючы глыбіню перапрацоўкі нафты, асвойваючы самыя перадавыя тэхналогіі і новыя віды прадукцыі, завод будзе нарошчваць магутнасці і заставацца ў авангардзе беларускай прамысловасці".

Аляксандр Лукашэнка пажадаў работнікам і ветэранам прадпрыемства моцнага здароўя, шчасця і новых поспехаў у плённай працы на карысць роднай Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі