2 верасня, Крупскі раён /Кар. БЕЛТА/. Прэзідэнт Беларусі Аляксандр Лукашэнка прадаўжае серыю паездак па тэме развіцця сельгасвытворчасці і аграпрамысловага комплексу. На гэты раз у цэнтры ўвагі Крупскі раён Мінскай вобласці, паведамляе БЕЛТА.
Аб'екты, якія запланаваны да наведвання, знаходзяцца ў веданні ААТ "Агракамбінат "Дзяржынскі". Кіраўніку дзяржавы даложаць аб ходзе палявых работ у краіне і рэгіёне.
Размова таксама пойдзе аб стане і перспектывах развіцця аграпрамысловага комплексу Мінскай вобласці, у тым ліку інтэграцыйных структур. Чакаецца, што кіраўнік дзяржавы наведае мясаперапрацоўчы цэх.
Раней у ходзе рабочай паездкі ў Гродзенскую вобласць Аляксандр Лукашэнка звярнуў увагу на пытанне забеспячэння збожжам і кармамі буйных гаспадарак, у якіх недастаткова для гэтага ўласных зямель. Каб не закупляць неабходныя аб'ёмы за мяжой, шырыцца практыка, калі дадатковыя сельгасугоддзі бяруцца на баку. Так зрабілі ў ААТ "Александрыйскае", узяўшы кінутыя землі ў іншых раёнах.
Аналагічным шляхам пайшлі і ў агракамбінаце "Дзяржынскі". "60 працэнтаў Крупскага раёна забраў. Вакол мяне птушкафабрыка была (землі пад Мінскам, якія належалі птушкафабрыцы. - Заўвага БЕЛТА), і тыя землі забраў. У яго не хапае збожжа. Сам прыйшоў, гаворыць: дайце зямлю", - расказаў беларускі лідар.
Дарэчы, на землях у Крупскім раёне ў гэтым годзе ўраджайнасць 60 ц/га, а было значна менш. "Тэхналогіі. Прыйшла гаспадарка моцная", - канстатаваў кіраўнік дзяржавы.-0-
