Сцяг Чацвер, 20 чэрвеня 2024
Усе навіны
Усе навіны
Прэзідэнт
16 мая 2024, 15:27

Аліеў запрасіў Лукашэнку наведаць кліматычны саміт у Баку ў лістападзе 2024 года

Баку
Баку
16 мая, Баку /Кар. БЕЛТА/. Прэзідэнт Азербайджана Ільхам Аліеў запрасіў Прэзідэнта Беларусі Аляксандра Лукашэнку наведаць кліматычны саміт у Баку ў лістападзе 2024 года. Аб гэтым ён паведаміў журналістам па выніках перагавораў з беларускім калегам, перадае карэспандэнт БЕЛТА.

Паводле слоў Ільхама Аліева, раней ён ужо накіроўваў пісьмовае запрашэнне беларускаму лідару, а цяпер і асабіста запрасіў Аляксандра Лукашэнку наведаць кліматычны саміт у Баку ў лістападзе 2024 года. Да гэтага часу кіраўнікі дзяржаў плануюць заслухаць даклады адказных асоб аб выкананні тых даручэнняў, якія дадзены ў ходзе цяперашняга візіту.

Канферэнцыя ААН па пытаннях змянення клімату, або Кліматычны саміт, праходзіць штогод з 1995 года і збірае краіны - удзельніцы Рамачнай канвенцыі ААН аб змяненні клімату. На мерапрыемстве таксама вядуцца перагаворы ў рамках Кіёцкага пратакола.

Папярэдні саміт праходзіў у лістападзе - снежні 2023 года ў Дубаі (ААЭ) пры ўдзеле прадстаўнічых дэлегацый з больш як 150 краін. У мерапрыемстве прыняў удзел і Прэзідэнт Беларусі Аляксандр Лукашэнка.

Наступны Кліматычны саміт запланаваны на 11-22 лістапада 2024 года ў Баку (Азербайджан).-0-
Падпісвайцеся на нас у
Twitter
Топ-навіны
Свежыя навіны Беларусі