2 верасня, Крупскі раён /Кар. БЕЛТА/. Агракамбінат "Дзяржынскі" разлічвае выйсці на выручку ў памеры Br1 млрд да 2027 года. Такія планы агучыў у размове з кіраўніком дзяржавы генеральны дырэктар агракамбіната Уладзімір Лук'янаў, перадае карэспандэнт БЕЛТА.
"У бліжэйшай перспектыве кампанія павінна выйсці на мільярд рублёў", - сказаў Уладзімір Лук'янаў.
На агракамбінаце разлічваюць да 2025 года наладзіць штогадовую вытворчасць 110 тыс. т мяса птушкі куранят-бройлераў, 6 тыс. т мяса індычкі, 91 млн яек.
Аляксандр Лукашэнка ў час наведвання аб'ектаў агракамбіната "Дзяржынскі" ў Крупскім раёне азнаёміўся з вытворчымі магчымасцямі прадпрыемства і перспектывамі яго развіцця. Прэзідэнту паказалі новае аддзяленне па адкорме куранят-бройлераў, мясаперапрацоўчы цэх вытворчай пляцоўкі побач з вёскай Дворышча.
"На рынку попыт на птушку ёсць? Павялічвацца будзе?" - удакладніў Прэзідэнт.
Паводле слоў Уладзіміра Лук'янава, праблем з попытам на прадукцыю няма як унутры краіны, так і за мяжой. Наадварот, ён нават расце. Калі праблем са збытам няма, трэба павышаць рэнтабельнасць продажаў, а для гэтага неабходна пашыраць вытворчасць, адзначыў Аляксандр Лукашэнка.
"Калі гэта трэба, ты скажы. На самых выгадных умовах. Калі ты вока куды-небудзь паложыш, мы імгненна прымем рашэнне", - заявіў кіраўнік дзяржавы.-0-